飲食男女

營業中

休息中

荔枝角同長沙灣，由工業區轉型做商廈寫字樓，午飯時間人流特別多，今日試咗呢一間餐廳（飲食男女）午餐價錢都算實惠，六十零蚊就有個餐，有餐湯、有主食及飲品。星期三午餐$65煙三文魚茄蓉意大利粉，煙三文魚份量都算好多，茄蓉汁調校得唔錯，但意大利粉煮多咗時間淋咗。星期三午餐$65馬來咖喱牛腩飯，咖喱汁大甜味，如果打個芡汁結少少，會更好，牛腩都炆得好淋，配白飯很好。是日餐湯，雜菜羅宋湯，好多雜菜味道少少酸，好好味。餐飲凍檸茶及熱檸水，正常茶餐的味道。