影片
更多
2009-08-13
43 瀏覽
上次的莎莉東(東來順)局, 因為同女友表姐既生日撞期而無緣出席. 今次的莎莉西(西苑)局, 雖然又是處於我的地獄星期一, 但老細點出黑面都好, 收到Sally邀請, 怎能不帶備葡萄美酒, 與眾食友共歡一夜.首先, 是Sally特別為我們整既鮑魚果凍, 原隻鮑魚, 本來好怕鮑魚會好滯, 但咁樣食法, 一點也不覺, 這是否因為我沒有食lunch而做成呢. (因為是日, 為了這飯局而Skip lunch)...真正的頭盤四大碟出現了, 大哥义燒, 鵝肝鹿筋凍, 蜜汁燒鱔, 順德蠔餅. 順德蠔餅, 最簡單容易形容, 一塊塊方磚, 未看Menu, 未咬一口時, 完全以為是反沙芋....em....明白, 順德既蠔餅原來係咁既, 下次有機會過開順德...唔知有冇呢.鵝肝鹿筋凍, 面頭一片鵝肝, 果凍入面一粒粒鹿筋, 賣相好, 味道不錯, 夠唔夠補還是其次. 蜜汁燒鱔, 像燒鰻魚咁燒, 感覺上並不突出.大哥义燒, 是西苑的招牌菜, 當然是抱著極期待既心態去欣賞這一碟極品义燒. 蜜味重, 皮脆, 燶了的部份沒有苦味, 因為燶的是糖不是肉. 自己選了中間半肥瘦同一塊邊位來吃, 皮脆肉淋, 味道香, 果
首先, 是Sally特別為我們整既鮑魚果凍, 原隻鮑魚, 本來好怕鮑魚會好滯, 但咁樣食法, 一點也不覺, 這是否因為我沒有食lunch而做成呢. (因為是日, 為了這飯局而Skip lunch)...
真正的頭盤四大碟出現了, 大哥义燒, 鵝肝鹿筋凍, 蜜汁燒鱔, 順德蠔餅. 順德蠔餅, 最簡單容易形容, 一塊塊方磚, 未看Menu, 未咬一口時, 完全以為是反沙芋....em....明白, 順德既蠔餅原來係咁既, 下次有機會過開順德...唔知有冇呢.
鵝肝鹿筋凍, 面頭一片鵝肝, 果凍入面一粒粒鹿筋, 賣相好, 味道不錯, 夠唔夠補還是其次. 蜜汁燒鱔, 像燒鰻魚咁燒, 感覺上並不突出.
大哥义燒, 是西苑的招牌菜, 當然是抱著極期待既心態去欣賞這一碟極品义燒. 蜜味重, 皮脆, 燶了的部份沒有苦味, 因為燶的是糖不是肉. 自己選了中間半肥瘦同一塊邊位來吃, 皮脆肉淋, 味道香, 果然稱得上係义燒既大哥.
堂剪大茶豬, 同所有酒席一樣, 乳豬, 永遠行頭. 一塊開左半邊既豬仔先端上來, 俾我地影相先, 之後便即場把豬仔剪開. 剪開一條條. 皮比較起黎, 未算最脆, 肉就夠入味, 乳豬仔香口, 好食. 而且豬仔唔係大肥, 肉嫩皮脆得黎, 中間完全沒有肥肉.
鷓鴣燕窩粥, 只知道自己食緊燕窩粥. 味道清, 帶點咸味. 甜食燕窩食得多, 咸食燕窩真的非常之少食.
莎莉堂弄高湯鮮奶, 是是晚的高潮所在, 由主人家親自煮理既菜式, 當然人人爭著試. 用上了海苔鋪面, 感覺上味道被那極香口的海苔蓋過. 再試一試底層的純鮮奶. 火候較得好好, 鮮奶仍然非常嫩滑. Sally的出品, 果然是佳品....
雲腿頂鴿脯, 食乳鴿, 從來是成隻食. 起肉切片炒, 倒是一個新鮮感覺. 雲腿, 只是夾一夾個味道, 整體感覺尚可.
生炆老虎班翅, 味濃, 啖啖肉. 不過因為咁樣炆法, 肉比較鞋口. 同檯眾人反而對沾滿汁既腐竹更加有興趣. 而順德蒸水魚, 有部份朋友因為水魚貌似龜而不敢食. 其實水魚食過一兩次, 肉其實就冇乜好食, 反而用來煲湯, 會更加鮮甜.
醬燒琵琶鴨, 本人好怕一些燒臘鋪整出來既琵琶鴨, 因為往往醬汁份量不均勻, 或是落得太多. 所以有點怕做得不好. 而是晚的, 絕對是一流師傅之作, 味道均, 沒有過份咸加濃. 皮雖是一般, 但絕對是我係香港食過既琵琶鴨中, 最好食既一隻.
白玉藏珍, 掛住同Winter, James等品酒而miss了. 拍了照之後沒有食.
濃湯千層雲耳竹笙銀杏柚皮, 非常清淡, 若湯底沒有用肉去餚, 相信這是一碟上等素菜. 不過, 柚皮好似厚了少少, 起絲..... 打了個小折扣.
黃油蟹粉小籠包, 龍蝦湯海鮮泡貴妃飯, 是當晚飯麵之選. 小籠包, 充滿美味的肉汁, 同蟹味. 不慎滴了落碗度都要飲番佢. 龍蝦湯海鮮泡貴妃飯, 後來才知道飯是到了後檯分碗時才加上去. 因為覺得泡飯, 仍然食得出脆卜卜既口感.
甜品兩道, 雪影杏汁包 同 馬拉糕. 杏汁包, 咬落好香杏仁味. 太飽了, 不然, 真的想食多一隻. 馬拉糕, 甜了少少, 不過勝在夠熱. 而且已經比起一般茶樓既出品好食.
6圍的飯局, 有一點像飲婚宴般. 而且有美食, 有美酒, Sally亦把氣氛搞得好好. 期待Sally小休之後復出...搞了東(東來順), 搞了西湖西苑)....仲有南 同 北 呀. 今餐, 要唱一句, "莎莉...多謝您！！"
張貼
