西苑酒家 (已搬遷) 新店位置

我們一行五人預留了乳鴿五只，爵士湯一煲抵達西苑即加點三個菜。因為是預留，湯在十分鐘後便送上，還未來得及飲湯，燒乳鴿馬上送上，為了不讓乳鴿冷卻了不好吃，我們唯有先吃乳鴿。剛把手套戴上，其他三個餸又送到，他們的效率之高，令我們疲於奔命。 為免讓餸菜冷卻，我們要求員工加蓋保溫。味道方面，乳鴿的質素還可以，湯則普通，燒鵝可以不吃，蝦炒蛋的蝦沒味 ，蝦肉硬實，菲姐認為她們炒的比較好。另外的蝦籽豆腐勉強可以接受，但蝦籽已經乾硬。

有好朋友由台灣來，美食其中一站當然要吃香港四大發明之一：燒。味。不過灣仔區叉燒之神的堂食座位實在有點那個，所以我選了在利園一期的西苑酒家。是晚點了一個忘了名字的花膠湯、每人一隻蟶子、蟹肉炒茄子、叉燒例牌、半隻燒豬，還有一個啫啫生菜煲。叉燒肥瘦剛剛好，好味。蟶子食時覺得幾好，不過應該是飯後超口渴的罪魁禍首。燒豬半隻：OK事實上我們只有三女一男，其中沒有大胃王，男的食量更像做過紮胃手術，所以點這個是有點點ＤＤ少少過份。吃法像片皮鴨，上菜前師傅已經將脆卜卜的皮工整地片晒出來，配包包同醮乳豬醬一齊食，脂肪及豬肉則另外吃。我個人比較喜歡乳豬皮連有一點脂肪，這個矜貴的吃法呢，ＯＫ囉，但$600/半隻就無意再食多次。全晚最清淡的蟹肉燒茄子，簡直是我的沙漠清泉。而且真的有蟹肉，吃得好開心。啫啫生菜煲。因為出名所以點的，啫啫味很濃但無驚喜。以味道來說是在水準以上，不過啊，我啊，晚上回家真的有喝了一公升以上的水！女仔喎！！！要知道女仔晚上喝這麼多水和自我毀容是無分別的啊！！！！我是真的口渴到爆炸才不停灌水啊～～～！！！第二朝，因為在味精加狂灌水的化學作用下，自然成了浮屍面。

之前來過,食左一次生炒糯米飯,十分回味,今次再來,都係為左佢有咬口,雖是糯米卻粒粒分明,又不失其獨有香氣,醬油剛剛好沾上每一粒飯,加上臘腸既甜味,完全係一個完美既演繹.收得百幾蚊,換來頂尖既質素.如果能夠加上大量既蔥,我會更爽歪歪

    已食過幾次西苑, 其實覺得佢D小菜一般, 但今次叫左平時好少叫嘅焗魚腸, 之前都喺其他地方食過焗得好味嘅魚腸, 但就好少可見到焗到好似個蛋糕咁靚的, 有少少燶邊, 食落甘香又香脆。除左魚腸外, 我覺得佢嘅甜點先係亮點, 佢個脆麻花唔太甜,但好脆. 雖然我唔喜愛杏仁製品, 但佢個杏汁包都好好味, 個包好鬆軟, 另外, 馬拉糕令我個揀飲擇食咀刁小契女食到停唔到口, 下次剩係黎食甜品都幾好^^

預早幾天致電西苑酒家訂了一張四人枱，當日準時十二時左右到場，但帶位小姐告知餐枱正在安排當中。我們選擇在外等候，不知不覺間已等了十五至二十分鐘，入內再問帶位小姐，答案卻跟之前有少許差別 - 原來訂枱只代表「優先處理」，但實際上跟walk in 並未有太大分別 (似乎跟航空公司overbook 機位有點相似)。但眼見酒家入口位置還有一張四人和一張六人枱仍是空置，我們忍不住順帶追問帶位小姐為何有枱但不給等候人仕。帶位小姐保持了數分鐘的沉寂，最終告訴我們這些客人訂枱時經已點菜，莫非點了菜但遲到一、兩小時也空著枱等嗎？再等多了十餘分鐘之後，場面開始變得群情凶湧，更多不滿的食客不停追問，帶位小姐最初還支吾以對，說人客到了，只是走開了吧，但最後她索性在裡頭的工作室躲起來，此實在是明智之舉！明白很多舊式酒樓會留枱給熟客，但現今社會文化和風氣經已改變。倘若訂了座，客人是有理由地期望所訂的時段已經有餐枱為他們準備好。如果之前的食客遲了走，等待十數分鐘是可以接受的，但如果當walk in 般對待，多等半個至一個小時則實在難以接受。

今日LUNCH同朋友食,我簡左呢度(圖片已被NOKIA 燒毀)2條友食得唔多野,但係我就叫左個蝦餃+燒賣+X燒餐包+炸芋角+生炒X米飯亮點是蝦餃和生炒X米飯蝦餃肉質扎實,咬落去不會皮肉分離,十分爽口,呢種鮮味唔係間間做到,雖然不大粒但係好好食生炒X米飯也是很出色,賣168蚊果然是有番咁上下.炒出來十分爽身,不會STICKY,又有咬口,食到尾也保持一粒粒的米,像炒飯般十分奇妙,呢168蚊很值其他很普通.前菜是醃羅白,我覺得很難食,味道很怪服務質素不高,以中檔酒樓來講不合格

下午時間在銅鑼灣辦點事，午餐在西苑用膳。因早餐飽肚感仍在，只是隨便點了數款點心作罷。黄沙豬膶燒賣：黄沙豬膶無食到，燒賣無乜特別。叉燒腸：腸粉皮挺滑，但叉燒肉香腍度不足，叉燒真是此店的招牌菜？！雪影杏汁餐飽：外皮脆口，飽身香軟，係幾好食嘅！XO醬蒸鳳爪：雖XO醬味道唔突出，但鳳爪肉質腍身好吃。蒸排骨：帶點肥的排骨夠腍夠香口。南瓜芋絲夾：無食到。

每次來西苑晚飯, 訂位時必定會預訂我心目中的西苑孖寶-爵士湯和大哥叉燒。這裏的服務和環境不錯。先說大哥叉燒, 沒有一次失準, 永遠滿意, 表面有蜜味且帶點焦香, 而肉質鬆軟無比, 因為嚴選豬的部位, 永沒有硬叉出現, 勁正!爵士湯用了大量花膠,雞腳,螺片.....最特別是下了蜜瓜。湯是奶白色, 喝下雖沒有蜜瓜味, 但有濃厚的甜味, 正! 其實好的中湯較好的西湯來得易, 因為靚中湯的主要祕決就是足料。每個人只要願意不惜公本去煲中湯, 位位都可成為靚湯王。至於西苑的其他菜式平均也算有水準的。 這次試了一度麻辣海蜇, 味道是有驚喜的。脆鱔基本上很香口, 只是稍有一點泥腥味未去清。琵琶鴨跟唐生菜很不錯。還有其他食物相片放不了。最後也強烈推介西苑的雪影杏汁包作結尾, 這次感覺內裏的杏汁比之前稠身了一些, 但仍然不錯的。

久聞西苑的大哥叉燒和爵士湯的大名，專誠和朋友一起來見識見識！大哥叉燒：厚切的叉燒，只有淋身，沒有肉味和蜜味，極度失望。爵士湯：普通例湯的味道，沒有螺頭的鮮味，和花膠的質感。紅酒燴牛尾：一大件牛尾燴得入味和鬆化，調味不錯，全晚最好的一味。焗釀嚮螺：一大堆肉碎，冬菇，洋蔥，完全吃不到嚮螺的味道和質地。靑蒸老虎班：火候和調味都不錯，可惜養魚，完全沒有魚味和肉質死實。燒鷄：皮夠脆，調味可以，但全冇鷄味。竹笙燴莧菜：莧菜夠嫩，配上用上湯燴的竹笙，清新可口。海皇泡飯：湯㡳夠鮮味，配上炸脆米，效果不錯，可惜湯水不夠，最後變成糊仔一樣。紅豆沙：不大甜，夠火候，不錯。雪山杏汁飽：飽身鬆軟，但甜了一點。最後多謝朋友帶來香甜的日本蜜瓜！但此店的用料實在有改進的必要！

这家酒家的菜是我吃过的最差的一家。不管是菜，还是饭还是汤吃完后一個字- 咸！我們叫了燒鵝，燒肉拼盤- 量少，味道普通； 鸳鸯飯- 咸得不能入口；還有北京烤鴨，皮都燒黑了...因外地朋友往在铜锣灣附近，所以選了這家。非常錯誤的選擇。

是日一早打算去飲早茶，為四天假期作一個完美的句號。怎料，來到這間西苑，把我的希望打破了。本以為多人稱讚的西苑，早茶會是很美味的。可是，當點心來到後，才發現這一切都是假象，所有都只是傳言而已。我點了蝦餃，XO鳳爪，雪影杏汁飽，大哥叉燒和黑魚子燒賣，每一樣都令人失望。其中大哥叉燒尤其差，縱然肉質鬆軟，但卻沒有蜜味肉汁，而且瘦，也太多黑焦，與想像中半肥瘦的蜜味叉燒完全不同。味道是0分！上圖正是名不副實的大哥叉燒另外，除了食物質素名不副實，就連侍應也良莠不齊，訓練不足。當我多問幾句叉燒是那個部位和燒的時間，想了解更多再下單，其中一位女侍應便隨便回答，過後更在不遠處大聲嘲弄本人問太多，與其他侍應大聲談論，態度惡劣。看來銅鑼灣西苑有很多改進的空間，想不到多人讚賞的飯堂竟是如此令人失望。只怕這次的光顧是最後一次了，畢竟食物，環境及侍應都令人很失望，完全名不副實！

黃油蟹萬歲!!!!!!! 再黎西苑食1年1度黃油蟹餐 盛惠$988一位 佢話一定要兩位起 但係膽固醇高wor 點迫人兩位起先?! 部長好識做 比我地一位餐兩份食~黃油蟹粉小籠包 - 正!!!! 一咬個頂... d黃油漏晒出黎... 第一樣已經食到 lam lam利 生拆黃油蟹粉燴生翅 - 超正!!!!!!!!!!! 夠'傑'夠濃郁!!!! 好多翅!!!! 又粗又多!!!! d黃油香到暈!!!!~ 成碗即刻清晒 加個白飯 正式魚翅嘮飯~~~~香煎海斑扒 - 呢個我覺得最唔特別 好在佢d豉油另上 否則d油味一定蓋過晒條魚!!極品黃油蟹 - OMG 見倒隻蟹放上檯簡直想尖叫~~ 好大隻 差不多一邊都有個拳頭甘大 熱辣辣 成隻蟹都係膏 同媽咪一人食半邊 都好好好飽!! 一路食一路讚真係好好食 嘩d膏係香架軟架 真係極品 強烈推介!!! 食隻蟹食左好耐 食到甘上下已經食到頭暈 實在太好味喇.........黃油蟹肉泡飯 - 食到呢度已經好飽 個汁當然好正 好香蟹味膏味 加埋d蟹肉瓜粒真係無得頂!!!! 連個汁都飲埋!!!花旗參燉棗皇 - 甜品 好大粒棗皇呀~ 甜到漏~~~~~~~~~蝦子柚皮

今日下午泊低部車入利園，同太太及外母去銅鑼灣西苑飲茶。叫咗下例6樣嘢：炸兩：啲油炸鬼完全唔脆，重收HK$48一客，唔掂！蒸素餃：淡而無味，食完都唔知食咗乜！黑松露蒸餃：完全無黑松露味，同普通餃子一樣，個邊邊重有啲乾，好似未蒸好！焯菜芯：同普通麵店嘅焯菜芯水準差唔多，不過收五十八蚊嘅時候，咁就唔收貨啦！頭抽雞翼：味道十分好，重特別叫咗碗白飯餸飯tim!雪影杏汁餐飽：此店之招牌甜點，水準相當好，必吃之選三人埋單HK$397。因為泊車優惠要消費HK$400先至有，所以俾多HK$11貼士，共埋單HK$408。叫侍應生開番張HK$408嘅單，點知佢唔肯！只肯俾張HK$397嘅單俾我！我話我都俾足錢嫁啦，點解唔得？佢話係唔可以計貼士嘅。咁我話可唔可以俾另一張單我，佢居然話今日枱枱客都渣車，簡直係廢話！ 叫部長都無用。最後我火都起，HK$1貼士都唔俾！其實啲侍應一啲都唔專業，可以叫我order多一碗白飯，計多十幾蚊，張單咪過四百蛟，都好過要個客俾成HK$56停車場費！價錢咁貴但水準咁差，重邊有下次！

今天約了朋友飲茶，一早book了位所以不用等，一坐下我太太話我隻杯污積有，叫侍應換過一隻，本身已有一壺茶，我自己想飲鐵觀音，叫侍應沖多一壺，等了10mins mud鬼都無，再叫一位女侍應跟跟順便要張bb輔助椅，去話bb chair要等一段時間暫時五夠，過了3mins去話無茶壼，本人生活hk三十幾年，第一次聽到一間位於利園二期高級酒樓沒有teapot,hk inflation得咁犀利teapot not enough，講返食物，大哥叉燒比一般酒樓好些，如果比起逸東軒同揊滿樓比，price is similar，但味道差很遠，叉燒太瘦又五夠熱，而豬腳薑收78元得一舊豬腳一隻蛋好多薑，簡直理哂普，邊會得一舊咁少，系米跑馬日special service，小弟不得而知，但薑既底汁系一流,跟注頭抽瓦雞maintain水準，雞很滑很入味，其它點心一般，咁既價錢我令遠去世貿熾哥到食，人地起碼用心整，呢度d點心一般過一般,蝦較燒賣牛肉球腸粉全部try過，但一讚糸侍應服務一流，絕無欺埸,呢樣糸我最滿意，好到走時等簽咭，等了10mins都無人比我簽，又要搵負責任既侍應再跟30秒已令張單我簽，overal

West Villa is certainly my favorite place for weekend yum cha. I don't just love the food, I also like it's forever bustling atmosphere. Also if you like to bump into the rich and famous, West Villa is definitely the place to be. I can pick out movie stars, singers, TV stars and famous politicians 9 out of 10 times I dine in this restaurant. This time a famous celebrity sat right next to my table.Back to the food! The variety of dim sums that you can order in this place is amazing and they