影片
更多
2017-05-12
9768 瀏覽
今天拜完山，一行十人原來想去翰騰閣再encore多一次，雖然廳內坐唔滿人，不過等左30分鐘都無枱坐，長老們已經餓得咕嚕咕嚕，所以決定轉地方，去最近的海港薈，等不用10分鐘就有枱啦！這裡點心同小菜款式多，淨係點心單都有3、4份最後我地點左三寶（清蒸沙巴龍躉仔、黑松露海鮮炒飯、日式什菜煲）、日式照燒茄子、帶子燒賣皇、肉崧蛋煎米雞、翡翠筍蝦餃王、流汁奶皇包、香煎韭菜餃、家鄉炒米粉、大咸蛋黃粒炸鯪魚球、四寶滑雞扎、魚翅鮑魚灌湯餃、魚肚浸鮮竹卷、新鮮叉燒腸、香煎蝦米腸、鮮蝦菜苗餃、椰皇燉燕窩三寶清蒸沙巴龍躉仔（左上）：蒸得剛好，魚肉滑，不過可能是養魚，魚肉有一陣泥味黑松露海鮮炒飯（左下）：黑松露不少，有蝦，帶子，翠玉瓜粒，炒得飯粒分明日式什菜煲（右下）：材料多，有菜心，小唐菜， 金菇，粉絲， 乾瑤柱，蟹柳，蝦米，日式卷，正想俾個“讚”，點知我地竟然發現有半條昆蟲長美腿在菜蔬中間，我地嚇得不敢在碰，我舉手找經理，有一位四眼男經理行過並無理會我地，舉左手好耐，才有位經理小姐問我地有什麼需要，經理小姐很好，立即幫我地取消，最後還用左芝士蝦伊麵（右上）作代替， 這碟芝士多，蝦爽，伊麵份量適中，大家都說早
這裡點心同小菜款式多，淨係點心單都有3、4份
最後我地點左三寶（清蒸沙巴龍躉仔、黑松露海鮮炒飯、日式什菜煲）、日式照燒茄子、帶子燒賣皇、肉崧蛋煎米雞、翡翠筍蝦餃王、流汁奶皇包、香煎韭菜餃、家鄉炒米粉、大咸蛋黃粒炸鯪魚球、四寶滑雞扎、魚翅鮑魚灌湯餃、魚肚浸鮮竹卷、新鮮叉燒腸、香煎蝦米腸、鮮蝦菜苗餃、椰皇燉燕窩
三寶
清蒸沙巴龍躉仔（左上）：蒸得剛好，魚肉滑，不過可能是養魚，魚肉有一陣泥味
黑松露海鮮炒飯（左下）：黑松露不少，有蝦，帶子，翠玉瓜粒，炒得飯粒分明
日式什菜煲（右下）：材料多，有菜心，小唐菜， 金菇，粉絲， 乾瑤柱，蟹柳，蝦米，日式卷，正想俾個“讚”，點知我地竟然發現有半條昆蟲長美腿在菜蔬中間，我地嚇得不敢在碰，我舉手找經理，有一位四眼男經理行過並無理會我地，舉左手好耐，才有位經理小姐問我地有什麼需要，經理小姐很好，立即幫我地取消，最後還用左芝士蝦伊麵（右上）作代替， 這碟芝士多，蝦爽，伊麵份量適中，大家都說早知點這個食啦！
香煎韭菜餃：韭菜多，不過皮厚，食完後大家不敢問，誰點的?大家都說無噢！原來送錯來
流汁奶皇包：奶皇唔流，皮厚
魚翅鮑魚灌湯餃：足料有鮑魚，魚翅，蝦等材料，皮薄湯甜
新鮮叉燒腸同香煎蝦米腸都係腸皮唔滑，有點厚，叉燒份量少
大咸蛋黃粒炸鯪魚球：很怪的一碟點心， 大咸蛋黃粒做成醬，大家覺得很鹹，無人點，直接食炸鯪魚球，仲滋味
日式照燒茄子：我地點日式照燒茄子，點知又送錯菜，送左煎青椒來，又是舉手多時才有人理， 最後換返我地想要的日式照燒茄子
茄子煎得香脆，不過完全無日式照燒汁味
帶子燒賣皇（右上）：味道一般
鮮蝦菜苗餃（右中）： 菜剪得碎， 蝦竹筍碎，皮薄
魚肚浸鮮竹卷（右下）：魚肚大厚，不過鮮竹卷餡調的味道比較怪
四寶滑雞扎（左上）：足料， 大塊魚肚，火腿，雞件，不過雞肉嚡
翡翠筍蝦餃王（左下）：味道及用料一般
椰皇燉燕窩：香滑，不過敗筆是椰皇肉食唔到，未試過硬到任何餐具都弄不開，不知是分開整或蒸得唔夠耐或是個椰皇太老
肉崧蛋煎米雞：煮法新穎，將糯米雞用雞蛋炸，再上面鋪肉鬆，口感應該，不過炸到連蛋黃都出左來，d糯米又油膩膩，就有點失望
家鄉炒米粉：完全無料，噢………
後記：最好笑的是剛那位四眼經理，在我地差不多埋單時，竟然走來話係我地寫左單，要我地食埋個d食物佢，噢！我一看張單的枱號及字跡，就知不是我地，他還要說是我地寫錯， 嗰一刻我地真的忍不住全部人望住佢，佢立即走開
其實寫這篇文章，並無惡意，可能人手真的非常不足，所以才有這樣的問題
只覺得如果只因人手不足而引致部份員工的態度而令食客不滿，再美味的食品都減低食客再來光顧的衝動
不是要處罰或什麼，只是想藉此希望管理人士睇到，改善一下人手問題，或問一問員工在工作上遇到什麼難題
希望下次再來食，會有好食物好服務啦！
張貼
