影片
更多
2012-09-11
87 瀏覽
6月30日, 有朋友比咗張和民、和亭適用嘅coupon比我地~ 呢兩間餐廳都有online menu可以睇, 佢地兩間都屬同一集團, 提供嘅食物都大同小異, 分別係和亭價錢比和民平, 而且比和民少人等位! 今日我地6點左右就嚟到, 所以都唔洗等位就可以入座~::: 和亭沙律 ::: $39之前食過和民沙律覺得唔錯, 呢個和亭沙律都差唔多, 算係雜錦沙律咁樣樣都有d~ 除咗沙律菜之外仲有鴨胸、吞拿魚沙律醬、蟹籽同紫菜絲, 風格絕對係西日合壁! 沙律菜都ok, 但唔係全部都係羅馬生菜, 有混雜咗d西生菜. 鴨胸用上日式偏甜嘅燒汁, 同吞拿魚沙律醬同千島醬撈埋味道唔係唔夾, 但又好複雜… 整體ok啦, $40唔洗算幾抵食架喇!::: 鮭魚盛合 ::: $79呢個鮭魚盛合係季節限定推介, 就叫咗個試下和記出品嘅壽司係點~ 賣相都幾對辦, 鮭魚刺身紋理色澤都頗光鮮, 不過食落無乜魚味, 有d虛有其表… 其餘兩款壽司更差, 魚生無魚味都算, 但壽司飯真係唔合格! 佢d壽司醋個味好怪, 唔似平時d壽司… d飯又偏酸同埋有微暖, 感覺好核突. 個鮭魚沙律軍艦個飯都係唔掂, 塊紫菜都係唔新鮮, 唯一味道
::: 和亭沙律 ::: $39
之前食過和民沙律覺得唔錯, 呢個和亭沙律都差唔多, 算係雜錦沙律咁樣樣都有d~ 除咗沙律菜之外仲有鴨胸、吞拿魚沙律醬、蟹籽同紫菜絲, 風格絕對係西日合壁! 沙律菜都ok, 但唔係全部都係羅馬生菜, 有混雜咗d西生菜. 鴨胸用上日式偏甜嘅燒汁, 同吞拿魚沙律醬同千島醬撈埋味道唔係唔夾, 但又好複雜… 整體ok啦, $40唔洗算幾抵食架喇!
::: 鮭魚盛合 ::: $79呢個鮭魚盛合係季節限定推介, 就叫咗個試下和記出品嘅壽司係點~ 賣相都幾對辦, 鮭魚刺身紋理色澤都頗光鮮, 不過食落無乜魚味, 有d虛有其表… 其餘兩款壽司更差, 魚生無魚味都算, 但壽司飯真係唔合格! 佢d壽司醋個味好怪, 唔似平時d壽司… d飯又偏酸同埋有微暖, 感覺好核突. 個鮭魚沙律軍艦個飯都係唔掂, 塊紫菜都係唔新鮮, 唯一味道係有d沙律醬搭救下叫做ok… 但整體都係唔得.
::: 石鍋蒜香牛肉飯 ::: $39始終覺得和記日本料理都係以飯類水準最為穩妥~ 呢個石鍋蒜香牛肉飯亦係算係比較多人揀嘅一個. 其實個石鍋size都幾細, 入面d飯仲要只得一半… 飯粒好濕, 有d一pat pat, d飯焦一餅野咁. 面頭鋪上幾片肥牛薄片, 加埋炸蒜同埋蔥粒, 香就真係好香~ 牛肉油香足但肉味唔濃, 好靠d蔥蒜吊味, 但整體味道都係略淡…
食飽之後驚見門口大排長龍! 其實和民同和亭d lunch set係幾抵食嘅~ 平時食飯時間通常都要等位, 但平心而論呢度食物質素只係一般, 價錢又唔係平, 實在唔明點解會咁多人食... 張貼
