影片
更多
2009-01-08
6 瀏覽
返工前見有多 D 時間剩，就同女朋友黎左呢間餐廳食 Lunch，其實之前都想食下架啦，因為比佢掛係玻璃上既一大幅老虎狗相吸引，因自己都有養老虎狗！首先講一講裝修先，間餐廳整體都幾靚，無論台同椅子，D 飾物，同台墊都好襯！黎到最重要既一環就係食物啦，我地兩個人叫左兩個 lunch set:頭盤有 Mixed green salad，湯，同烘麵包個salad D 菜都尚算新鮮既，但個 dressing 就淡而無味！至於個湯就係一般既羅宋湯，味道都係淡，個湯入面既料唔少，但我並未係個湯既味上面發現出黎！而個烘麥皮合桃麵包就好食D，脆脆地帶有微香既麥味，伴湯黎食確不錯！！但整體黎講只有個包好食，會唔會有點兒那個呢？？主菜我地分別點左 Braised short rib with mushroom and tomato sauce 及 Penne with salmon in cream sauce首先前者係一個燉煮小牛骨配鮮茄蘑菇汁，再加上一D伴菜如薯仔、蓮藕同翠肉瓜！小牛骨好林，好似食緊杭腩咁，牛味不太突出！同汁唔會太酸，味道都可以，但我找唔到及感覺唔到有蘑菇味，整體兩者配合都係夾既！至於
首先講一講裝修先，間餐廳整體都幾靚，無論台同椅子，D 飾物，同台墊都好襯！
黎到最重要既一環就係食物啦，我地兩個人叫左兩個 lunch set:
頭盤有 Mixed green salad，湯，同烘麵包
個salad D 菜都尚算新鮮既，但個 dressing 就淡而無味！至於個湯就係一般既羅宋湯，味道都係淡，個湯入面既料唔少，但我並未係個湯既味上面發現出黎！而個烘麥皮合桃麵包就好食D，脆脆地帶有微香既麥味，伴湯黎食確不錯！！但整體黎講只有個包好食，會唔會有點兒那個呢？？
主菜我地分別點左 Braised short rib with mushroom and tomato sauce 及 Penne with salmon in cream sauce
首先前者係一個燉煮小牛骨配鮮茄蘑菇汁，再加上一D伴菜如薯仔、蓮藕同翠肉瓜！小牛骨好林，好似食緊杭腩咁，牛味不太突出！同汁唔會太酸，味道都可以，但我找唔到及感覺唔到有蘑菇味，整體兩者配合都係夾既！至於 D 伴菜就可以講可有可無，因為係無咩味既，個薯仔唔香，個皮唔脆，我自己去 city super 買既荷蘭薯仔要比它好食上多倍！D 蓮藕同翠肉瓜係無咩味既，雖然唔會煮到過林，但真係 sorry!!!
後者既三文魚忌廉汁長通粉，唉……完全係可以講唔好食！首先講下個長通粉林，唔夠彈牙！入要既洋蔥太林，三文魚幾腥下喎老友，係咪有 D 唔新鮮呢？個汁唔夠味至於我仲食道粒粒 salt 係入面，最後要加 pepper 唔該!!!!
甜品就係同其他食家所講既一樣，就係朱古力碎咖啡 mousse 配「時令」水果粒！！！咖啡 mousse 唔夠軟滑，味道可以，上面既朱古力碎無做到畫龍點晴既作用！至於果 D 「時令」水果粒有火龍果、奇異果同士多啤梨，上面淋上一D 汁，唔知係果汁酸定水果唔太時令呢，總之就係酸啦，其實唔係應該個汁應要同D 水果平衡架咩，水果酸，個汁應該甜番少少！
最後一杯 coffee 作總結!!!!
其實係叫個 lunch set 之前都想叫溫泉蛋配黑松露，但女朋友叫我都係試完個 set 先再作打算啦！Lunch 食完啦，但並無再 order 個溫泉蛋配黑松露，莫非真係要散叫先會好食 D????
我自己覺得個 lunch 都算便宜，兩個人才 HK$17x ，但食物確是不太好食！係咪八十幾蚊就買唔到好 D 既食材，如果係既話，我寧願你貴D 啦！！！
張貼
