就是烤菇 (已結業)

柴灣呢個地方對自己嚟講都幾陌生，因為好少係呢頭出沒，但係偏偏有位朋友住呢頭，唯有跟地頭虫搵食。佢帶左我去一間小鋪，餐廳取名"就是烤菇"。鋪頭細細，可以放幾張小枱係鋪前。餐牌食物，卻選擇好多。法式芝士煙肉烤菇 $29煙肉味香濃，可以蓋過菇本身強烈既味道，入口啖啖肉，十分juicy！蒜蓉芝士帶子烤菇 $33相比起煙肉烤菇，帶子烤菇味道無咁濃，但茹味同芝味更突出。芝士戀上魷魚鬚 $29雖然個名叫芝士戀上魷魚鬚，但感覺好似失左戀咁，因為芝士未能戀上魷魚鬚，芝士味唔突出。不過魷魚煮得好爽口，又夠香，都幾惹味，餸酒良伴。名蟹子意粉配龍利柳 $47粒粒蟹子到處可見，真係我意料之外。一般所謂蟹子意粉，只有數粒蟹子，呢度反而落足料。龍利柳切細後更易入口，味道唔錯。意粉軟硬度適中，入口都幾舒服。西班牙沐豬頸肉飯 $42見有辣椒仔圖案所以揀佢，果然辣辣地。豬頸肉有少許硬身，飯吸收左辣汁變得惹味，但唔食得辣既朋友就要自己衡量番食唔食到。十分欣賞老闆既創意，餐廳取名烤菇，又聯想到英文同音字How cool。的確，餐廳主力賣菇，出嚟既菇亦十分cool。計我話，烤菇配How cool，我已分不清是菇還是cool。