影片
更多
2023-03-29
1056 瀏覽
Carat走酒吧餐廳路線，除咗印度菜仲有意大利pizza、Burger、意大利粉或飯、下酒小食、各種酒類、非酒精飲品，迎合唔同口味嘅客人。座位亦有室外座，好relax～餐牌同落單程式都有中文翻譯，唔駛怕唔識睇印度菜式名啦。先叫兩客忌廉湯，【忌廉磨菇黑松露湯】成個湯都係蘑菇蓉，黑松露味濃厚。【忌廉雞湯】雞肉都幾多。兩個湯都好creamy又熱辣辣，暖胃一流。每碗湯仲跟兩塊蒜蓉包添。【招牌天多里乳酪香料烤雞】 雞肉大件，烤得好香但有點乾身，食落辣得嚟惹味。【煙三文魚意大利薄餅】鋪滿晒焗芝士，配料除咗煙三文魚仲有香草同酸豆。餅底薄脆，香濃芝士配煙三文魚嘅咸香，都幾夾。【果亞椰香咖喱大蝦】一碗滿滿咖喱汁，淡淡椰香嘅香甜，大蝦好鮮爽，加錢可以配印度薄餅。不過我哋怕食唔晒無叫，就將跟湯嘅蒜茸包蘸咖喱汁食，一樣咁正～【自家製檳榔葉雪糕】第一次食到檳榔葉嘅味道，味道好獨特，清新又怡人，係可以解膩嘅甜品，值得一試！【Masala香料奶茶】最後就嘆返杯奶茶，落咗印度香料嘅奶茶，味道十分清香，食完濃濃味道嘅印度菜飲就啱晒～
餐牌同落單程式都有中文翻譯，唔駛怕唔識睇印度菜式名啦。
先叫兩客忌廉湯，【忌廉磨菇黑松露湯】成個湯都係蘑菇蓉，黑松露味濃厚。【忌廉雞湯】雞肉都幾多。兩個湯都好creamy又熱辣辣，暖胃一流。每碗湯仲跟兩塊蒜蓉包添。
【招牌天多里乳酪香料烤雞】 雞肉大件，烤得好香但有點乾身，食落辣得嚟惹味。
【煙三文魚意大利薄餅】鋪滿晒焗芝士，配料除咗煙三文魚仲有香草同酸豆。餅底薄脆，香濃芝士配煙三文魚嘅咸香，都幾夾。
【果亞椰香咖喱大蝦】一碗滿滿咖喱汁，淡淡椰香嘅香甜，大蝦好鮮爽，加錢可以配印度薄餅。不過我哋怕食唔晒無叫，就將跟湯嘅蒜茸包蘸咖喱汁食，一樣咁正～
【自家製檳榔葉雪糕】第一次食到檳榔葉嘅味道，味道好獨特，清新又怡人，係可以解膩嘅甜品，值得一試！
【Masala香料奶茶】最後就嘆返杯奶茶，落咗印度香料嘅奶茶，味道十分清香，食完濃濃味道嘅印度菜飲就啱晒～
張貼
