影片
2023-01-20
23 瀏覽
同阿媽去元朗辦完年貨，回程去元朗西鐵途中經過間好吸引嘅餐廳於是決定放阿媽一晚假🤣。職員友善有禮貌，有主動幫阿媽安置行李係椅下嘅置物籃，見我哋落單好似有困難主動過嚟介紹菜式。入座時差唔多七點食客唔算多，點知落完單啲人就陸陸續續咁嚟好快就滿座，如果再遲少少應該都冇位，下次嚟之前會book定枱先。見到餐牌有啤酒脆醬洋蔥圈就好想食，可惜阿媽話熱氣唔俾食🥹我決定咗遲啲約朋友嚟食兼飲返兩杯😁結果係阿媽咦咦哦哦嘅情況下飲品點咗水果茶，主菜就點左煙燻茭白筍紫蘇檸檬焗鱸魚柳+慢煮巴馬火腿黑松露野菌釀雞卷（菜式名都好長😅）水果茶水果茶有蘋果、山楂、洛神花成份，飲落微酸味道敢然，水果茶開胃消滯，健康之選阿媽梗係好中意啦。南瓜忌廉湯廚師將南瓜忌廉湯處理得好好，入口感覺唔到有南瓜纖維，整體口感滑溜，南瓜味濃郁。法式蒜蓉包蒜蓉包香脆，蒜香味適中，好食。煙燻茭白筍紫蘇檸檬焗鱸魚柳呢道菜式好有派頭，上菜時有個「金鐘罩」罩住啲用作煙燻嘅煙，打開「金鐘罩」啲煙散出嚟果下好好玩，喜歡打卡嘅朋友應該會好興奮。兩大舊魚柳下面鋪咗啲薯蓉，整體份量算大，如果多啲茭白筍我會更開心，因為阿媽食曬兩舊我食唔到😅。魚柳嘅皮焗得香脆，食到最
入座時差唔多七點食客唔算多，點知落完單啲人就陸陸續續咁嚟好快就滿座，如果再遲少少應該都冇位，下次嚟之前會book定枱先。
見到餐牌有啤酒脆醬洋蔥圈就好想食，可惜阿媽話熱氣唔俾食🥹我決定咗遲啲約朋友嚟食兼飲返兩杯😁
結果係阿媽咦咦哦哦嘅情況下飲品點咗水果茶，主菜就點左煙燻茭白筍紫蘇檸檬焗鱸魚柳+慢煮巴馬火腿黑松露野菌釀雞卷（菜式名都好長😅）
水果茶
水果茶有蘋果、山楂、洛神花成份，飲落微酸味道敢然，水果茶開胃消滯，健康之選阿媽梗係好中意啦。
南瓜忌廉湯
廚師將南瓜忌廉湯處理得好好，入口感覺唔到有南瓜纖維，整體口感滑溜，南瓜味濃郁。
法式蒜蓉包
蒜蓉包香脆，蒜香味適中，好食。
煙燻茭白筍紫蘇檸檬焗鱸魚柳
呢道菜式好有派頭，上菜時有個「金鐘罩」罩住啲用作煙燻嘅煙，打開「金鐘罩」啲煙散出嚟果下好好玩，喜歡打卡嘅朋友應該會好興奮。
兩大舊魚柳下面鋪咗啲薯蓉，整體份量算大，如果多啲茭白筍我會更開心，因為阿媽食曬兩舊我食唔到😅。魚柳嘅皮焗得香脆，食到最後凍咗都仲係脆嘅，魚肉保持嫩滑，成舊魚都唔腥，好想請教下廚師點整個魚😆
慢煮巴馬火腿黑松露野菌釀雞卷
雞卷外表樸實唔花巧，切開雞卷先發現係功夫心機菜，雞皮完好地將雞肉包裏，雞肉之間夾住火腿野菌同醬汁。雞皮咬落脆脆地但唔乾，雞肉嫩滑多汁，阿媽都讚。味道方面雞肉本身好夠味，我覺得唔點醬汁都冇問題，啖啖肉嘅雞卷食肉獸一定好中意。
張貼
