阿鴻小吃 (已搬遷) 新店位置

這一家阿鴻小吃已經是第二次幫襯，上次我來到有點過滷水鵝，但係我嫌佢唔夠入味，所以我今次點一啲之前唔會太有機會點到的菜色，今次點左一個青瓜塔、一個滷水燻蹄肉片同埋一個滷水素鵝。 青瓜塔的刀工及擺盤搞到我唔捨得拆散佢，配合佢嘅酸醋汁非常清淡嘢味，令人食指大動，另外滷水燻蹄個滷水汁今次配合燻蹄就非常入味，滷水汁清澈唔會太鹹，要係一級餐廳先食到，滷水素鵝係用豆類製造，裏面做功精細，一絲一絲，入口層次非常豐富，我每次嚟都必定會叫，水準非常穩定。他們的小菜，每一碟都分量十足，性價比方面就真係唔需要講，以佢嘅質素，如果收貴啲我都願意再次光顧。