咖啡弄 (已結業)

有一段時間冇嚟「咖啡弄」，嚟到先知宜家有訂枱服務，我哋冇book到要排隊，排咗大概20分鐘。呢度無論係食物定飲品，賣相都好靚，顏色鮮豔，未食之前已經加咗唔少分數，而且店員嘅顏值都相當高，全部都係年輕人 (唔計廚房嘅工作人員，因為睇唔到)，充滿活力。·👑 墨爾本龍蝦堡 🐲🦐🍞（$158）9/10分作為咖啡弄嘅「分店數量限定」菜式，毫不猶豫order咗一個試下，果然冇令人失望！大量龍蝦肉鋪喺麵包上面，鮮味十足，麵包好軟熟，另外配有一個source，帶點酸味，可惜味道唔太配合，扣咗少少分。另外有薯仔粒🥔，配有指定醬料點嚟食，出色！·👑 BBQ豬排三明治 🐖🥪（$60）9/10分3份串好咗嘅三明治，大大舊，芝士🧀味濃，好正！仲有一個球狀嘅薯蓉，有蛋碎混入其中，大愛！😍·🍴 鹽味焦糖冰淇淋鬆餅 🥞（$58）7/10分後上嘅甜品，鬆餅熱辣辣，好鬆軟，雪糕球淋上焦糖醬，加埋cream同牛油，好邪惡 🤭·👑 鮮草莓冰沙 🍓（$56）9/10分大大杯，賣相好有少女味道，好解渴，惟一要扣分嘅係士多啤梨比較酸，不過整體嚟講係好飲嘅！👑 Oreo碎片冰沙（$56）朋友飲嘅，一樣係好評！