大公雞 (已結業)

其實本身就只係返工黎食個飯，都係普通入左一間餐廳，無做資料搜集，無太大期望，又無打算寫食評。但係，有頭髮，我就不得不寫一寫食評黎話下佢。其實出去出邊餐廳食飯，我都好少食佢比嘅配住既菜，因為覺得餐廳通常會煮得唔好食。但係今次呢碗飯一拎上黎就發現，有一條頭髮，連住咗喺條菜入邊。雖然我同職員講咗之後，佢都話會換一碗俾我。但係好老實講，佢亦都可能只係拎走左條頭髮，就俾返碗飯我，所以我本着費事麻煩嘅諗法，拎開左條菜就繼續食。不過，我一齊食嘅朋友亦都話，佢條菜亦都好污糟，入面一層一層無咩點洗既樣。而且其實撇開條菜，佢碗飯都一般般。我點嘅係鹽酥雞滷肉飯。佢嘅鹽酥雞，粉多個雞，食起嚟個口感好一般，就係好多粉既感覺，差評。