Cocoon (已結業)

位置好方便，開源道巴士站一落車就是豐利中心，餐廳唔洗等位，相對幽靜。試左個味噌卡邦尼意粉 $98連埋個日式沙律、日式味噌湯同個餐飲，個卡邦尼意粉芝士味濃郁，較creamy，煙肉片好香脆，仲有菇片同一隻半熟蛋，撈埋一齊食，唔錯的。日式咖哩吉烈豬扒便當$78同樣連沙律、味噌湯同飲品，更抵食。個便當都幾大份，有時蔬、蕃薯仔同炸春卷，春卷炸得好脆口，豬扒香脆得來保持到厚身的肉，呢個便當就相對食得均衡又好食。