真‧章魚無雙

營業中

休息中

呢間已經食過好多次，感覺比起3樓嘅章魚燒更好味。章魚燒即時食會外脆內軟。真·明太子章魚燒 （8粒） $39有好多明太子沙律醬，食到最後都夠點。木魚絲唔係太多不過都夠。章魚燒有啲未點到醬既邊位都係脆的，入面章魚粒好大舊。食到最後有啲鹹，可能我點得太多醬。呢間我覺得係葵廣入面最好食嘅章魚燒，不過比起佢最初係成粒章魚係入面就爭啲。另外都推薦食黑松露味同埋蟹膏味。葵廣最好就係多嘢揀，又有啲凳可以坐。食完一間又一間。