蕉積妹 (已搬遷) 新店位置

🤰🏻之前喺網上見到有人介紹哩間小店，一見到已經好想試。今日出葵芳同屋企人食飯，機會嚟喇！兩點半去到，已經好多人等緊。我哋叫咗人氣香蕉煎餅🥞🍌$36，佢有四款醬揀：朱古力🍫、花生醬🥜、榛子醬同阿華田，我哋就揀咗榛子醬，另加$9買咗支自家製泰式奶茶🥤，貪佢個熊仔樽夠可愛。等咗廿分鐘，終於有得食！賣相吸引，味道唔錯，煎餅夠薄有蛋香味，香蕉同榛子醬好夾，不過略嫌醬唔夠，如果中間可以搽多一層會更邪惡更滿足。泰式奶茶一向係我嘅最愛，鍾意佢淡淡嘅香料味，哩度嘅奶茶都幾正宗，茶味都幾香，不過覺得甜咗少少🤏🏽。葵廣又多一個好選擇！下次想試佢嘅焦糖燉蛋。