The Salted Pig (新都會廣場) (已結業)

新年期間去咗葵芳新都會行街買嘢，商場人頭湧湧，到lunch hour間間餐廳都要等位，本來想食北京樓點知都要等，之後去咗隔離The Salted Pig望吓，唔駛等位即刻入去叫嘢食！入到去先發覺原來呢間餐廳都大，我哋3個人被安排坐一張6人檯，非常舒適。雜菌松露意大利飯 食唔出松露味，飯嘅口感唔錯，軟硬適中。配菜：芝士焗通粉好細好細嘅份量，小朋友食都唔太夠喉，價錢唔平，$88！炸魚薯條西餐廳食呢個一定無死！果然好好味，炸得香脆，魚味濃！最鐘意係配埋沙律菜，感覺無咁邪惡。叫咗3樣食物+一杯飲品，埋單5百幾蚊，以呢區嚟講都算幾高價嘅一間餐廳。服務👍 有禮👍收碟上菜快