Rosie

營業中

休息中

臨近新年約左朋友去附近葵涌廣場行街，未行之前打算食下野醫醫肚。上網見到呢間cafe好多人幫襯又幾有知名度，所以打算黎飲杯咖啡。 對外區人黎講Cafe地點都真係有d難搵，係位於葵芳邨入面，兩個人都蕩左一陣先搵到。好彩去到唔需要等位就入得。朋友叫左抹茶鮮奶，拉花好靚，朋友feedback係正常味道冇咩特別。而我就叫左凍朱古力咖啡同秘制流心蛋治。《凍朱古力咖啡》 飲品一上枱就係一種好邪惡好肥既感覺，但同時都好有打卡感。雖然外表好似一杯朱古力，但咖啡味都好濃，都唔會係好甜。飲品面既美祿波波都好香脆，令飲品提升口感，呢杯mocha 值得一試。《秘制流心蛋治》 另外見open rice好多人推介呢度既蛋治，都特登叫左一份，三文治好大份，麵包烘得香脆，有好香蒜蓉味。入面既沙律蛋份量好十足。一個人食既話會太飽，建議同人share! 總結食物同飲品質素都唔錯，希望下次可以試下佢地既意粉。