蘭桂坊車仔麵 (已結業)

話說未識A姐之前，小弟每個月都總會去一趟蘭桂坊，高峰嗰陣仲每個星期都出沒，什麼Magnum，什麼Prive，有咩未去過。不過今時唔同往日，往事只能回味....... 今日我決定重出江湖，帶A姐去老蘭，不過唔係去Club，係去食車仔麵。係呀，你無聽錯，蘭桂坊係開咗間車仔麵，仲係叫蘭桂坊車仔麵。M佬之選：蘭桂坊至尊車仔麵話明係至尊，就當然係大集薈，啱晒啲唔想諗嘅朋友。裏面有魚蛋、牛丸、牛腩、豬紅、五花腩、蘿蔔、魚皮餃、豬軟骨同時菜，真係好多餸。值得一讚，蘿蔔入味清甜，牛腩入味香濃，魚蛋鮮甜彈牙。A姐之選：豬肚+水魷魚+素鮑片+龍蝦丸+金菇+米粉呢到有7款麵，7款湯底同37款配料，A姐左揀右揀，用咗5分鐘，終於諗好。豬肚煮得好腍身，水魷魚爽口彈牙，素鮑片口感豐富，最正係個辣汁。麻辣豬耳豬耳爽口彈牙，麻辣味濃，嘴唇有少少麻痺，好過癮。辣汁雞翼尖識食一定食雞翼尖，辣味十足，食到又愛又恨，流晒鼻水。炸魚皮魚皮脆卜卜，就咁食又得，浸湯食又得，得咗。（記住Like同Share畀朋友）By A姐M佬 玩樂日記