日式吐司專店 (已結業)

將軍澳中心開左間日式吐司專賣店，好邪惡組合啊！係芝士x玉子x鰻魚x牛油吐司！蒲燒鰻魚玉子吐司 店員即點即做，熱辣辣脆卜卜嘅黃金吐司，咬落口感酥脆，但麵包內部偏韌，如果鬆軟少少會好一點！麵包表面有牛油香同蜜糖味。內裡的芝士會拉絲，但芝味唔算濃。玉子口感太薄，而且蛋味唔夠突出，底部煎焦了些。反而蒲燒鰻魚幾好，醬汁份量剛好，咸甜咸甜的味道夾得唔錯。鰻魚肉質嫩滑，厚度還好，唔會過薄！估唔到鰻魚夾落吐司度都唔錯，感覺挺特別，但味道未有過份驚艷，如果用料質素再高些一定會更受歡迎！