船渦

營業中

休息中

天氣轉冷，非常適合食吓蒸海鮮，今晚來到［船渦］試試，這裡一人一鍋，座位之間有活動竹簾分隔，好有心思，私隱度十足，有多款海鮮套餐選擇，跟住枱面上的時間指示來蒸煮，就可以食到原汁原味，清淡健康的美食。我們選了二個套餐❤️八府巡按餐海鮮款式多，包括白蜆、蝦、北寄貝、鮑魚、元貝、扁蟶子、鮮魚片、龍蝦，聖子皇或蟹一隻，肉類選了安格斯牛肉及豚肉片。❤️九品芝麻餐白蜆、蝦、鮮魚片、大蜆、扁蟶子、鮑魚，肉類選了美國肥牛及雞腿肉。❤️每個套餐都有蟹籽青瓜沙律及不同小食。章魚燒外脆內軟芝麻雞翼外皮金黃酥脆，雞軟骨餃子肉餡鮮美，各有特色。❤️三寶丸有牛骨濃汁牛丸，薑汁皮蛋貢丸同招牌墨魚丸各一粒，其中我最欣賞的是墨魚丸，爽口彈牙，而且內裡仲有墨魚粒，好味。❤️蔬菜拼盤蔬菜份量也不少，有粟米、翠玉瓜、冬菇、金菇、娃娃菜、南瓜，蒸五分鐘後，翠綠腍甜，健康又有益。❤️可以揀南瓜芋頭粥或烏冬，仲有甜品雪米糍。❤️呢一頓蒸海鮮真係無敵好味，食材非常新鮮，肉質鮮甜彈牙，原汁原味，食得好健康，尤其龍蝦同聖子皇、鮑魚、北寄貝等，每一啖都係高級享受，充滿海洋的清新味道，令人回味無窮。