新釗記 (已結業)

今日抱著冒險心態去幫襯老牌茶記新釗記，午市粥粉麵飯齊備，價錢由$26-$52不等。12:30顧客已頗多，老爹和小妹要搭枱，先可逼埋一齊坐卡位。先來一個瑤柱蛋白炒飯，甫見賣相，小妹貶了貶嘴，飯底略為濕淋，炒飯大忌，豈會有好吃之理呢？不過，出乎預料，味道、口感不錯喎﹗炒飯以鹽粒和薑絲，混合爽口菜粒、香滑蛋白及少量瑤柱同炒，炒得夠鑊氣而又不太鹹，足以彌補飯底略濕淋之弊，清碟收場。吃慣濃味的老爹表示味道偏淡口，小妹則覺得恰到好處，過猶不及了。每客$41的蒸飯可配例湯或茶或咖啡，小妹要了熱檸水，頗為抵食﹗不過，萬萬沒有想到，做法簡易的蒸飯竟然會咁失敗 - 淡而無味﹗六小件雞件多骨多脂肪且不去計較，但蒸得不嫩滑且無味；冬菇及白飯也是毫無味道可言的。豉油只見色，完全不能為蒸飯和雞件添味吊味，why？