Ben Ben 廚房 (已結業)

知道呢間餐廳的存在已經有一段時間，但由於在社交平台的地區group內很經常的有人講佢讚佢，感覺係promotion,覺得好煩，反而唔想去。不過由於近日有人講佢個湯，我又好鍾意飲湯，所以咪去試吓。八九十蚊一個蒸飯加湯set,喺大埔黎講，係偏貴的。但試完就知佢絕對對得住呢個價。先講個湯，份量超級足，兩個人都夠。湯料好足，粗略數有：數塊烏雞，兩隻雞腳，一塊大一塊小的一字豬骨。呢個燉湯，真係大滿足！到個蒸飯，大埔有不少店有蒸飯，但呢度個蒸飯質素真係好，飯香，不太亁也不太濕，雞有雞味，佢係貴過人地，但質素真係比人地高喎！好高興有間提供有質素食物的茶餐廳；畢竟大埔已經有很多不太貴但不太好食的茶餐廳了，不用再有更多。有一些地方是希望改善的：椅子很焗，未到夏天，已覺得很焗有點熱；音樂也有點太大聲了。