蓮香居 (已結業)

去蓮香居，純粹係好奇，難得僅存的舊式酒樓仍然運作，遊客老遠搭飛機也要去感受一下舊派茶居，我只不過係一個住在九龍的香港人，無理由唔去試一試。舊式酒樓沒有取票攞位的，自己見到有位就坐低叫茶，我地係新丁，侍應問要壼定要盅，完全get唔到, 後來見同枱一位男士用茶盅先明白。沒有影太多相，因為搭枱好迫，舉起相機就影埋人，個人認為去蓮香居見識吓懷舊文化幾過癮，事關仍然保留着用熱水煲加水，推著點心車叫賣的模式，食物質素方面，同樣係停留喺幾十年前嘅標準，我就真係覺得麻麻。