影片
更多
2021-09-11
615 瀏覽
我從來都冇寫過食評，但我覺得一定要為呢間咁有心嘅茶餐廳寫食評表揚佢哋、為佢哋打氣。搬入嚟附近嘅月租酒店幾個月經過呢間茶餐廳都冇乜意欲想試吓但成日見到排長龍，有一次朋友講起呢間茶餐廳話佢哋啲出名用料靚，所以決定搵日去試吓點知一試就愛上呢間咁用心嘅街坊茶餐廳。由食物、價錢、服務整體都好滿意。唔似坊間一啲茶餐廳大部份茶餐廳淨係想做生意，味道大眾化逼埋你同人枱卡位，態度差又冇禮貌。經試過晒早餐、午餐、下午茶都冇令我哋失望，仲成日好期待佢哋每兩日轉一次嘅驚喜午餐。佢哋真係用心煮好每一樣食材：e.g.早餐既牛油多士，渣滿香濃香嘅牛油、外脆內軟，我望入去廚房見到有個廚師係專門企喺度烘多士！真係非常新鮮，熱辣辣香脆！我個餐唔跟多士+1個多士都只係加$3咋！嗌咗個XO醬榨菜肉絲煎太陽蛋公仔麵，啲XO醬榨菜好香好惹味、肉絲係用豬頸肉！榨菜同豬頸肉都好爽！個公仔麵我個人鍾意食硬硬地，啲面預到啱啱好唔會比啲湯浸到林晒！食完之後嘴唇都充滿晒XO醬嘅香味搞到我返到屋企都好回味個面！凍咖啡都唔差但今次叫咗個凍鴛鴦，我覺得比凍咖啡出色係我好鍾意飲嘅味道。老公叫咗個炸魚柳餐配凍檸茶，炸魚柳外脆內軟，佢又係勁鍾意食佢哋嘅
呢間茶記嘅營業時間係朝早7:30至黃昏5:45星期一至六，有時好想佢星期日都開埋或者做埋晚市，但可能既營業時間時間同品質監控有關。依家仲有半個月就要搬走啦，我會好唔捨得呢間茶餐廳、到時唔可以隨時落去食喇😭
張貼