影片
更多
2020-03-26
1463 瀏覽
#What The Food 最大嘅特色係喺街市旁邊食西班牙菜，以黃興桂嘅用語，就係 “蔗渣嘅價錢，燒鵝嘅味道”。據店主喺一篇訪問入面解釋，西班牙嘅 Tapas bar 好多時都係開喺街市入面，等人放工之後可以食少少嘢，飲返杯，貫徹慢活嘅生活，所以希望將呢種文化帶入香港。小店主要提供 tapas，主菜同甜品，嗰日我哋先嚟一客雜錦西班牙牛奶波波（croquettes），有菠菜同蘑菇兩種口味，波波外皮熱辣辣脆卜卜，入面就充滿奶香，我較為鍾意味道偏濃嘅蘑菇波波，食落有啲似炸蘑菇湯球，好有趣。主菜方面，我哋揀咗西班牙黑毛豬雞肉燴飯（半份）同埋西班牙紅花汁蜆肉意粉，兩者嘅汁底類近，都係較稀嘅濃味湯底，配埋其他食材，味道豐富但又唔會太 heavy，就係喪食連汁都飲埋都唔會有好肥膩嘅感覺，超正👍。食完主菜，店主就開始製作我哋個甜品：特長西班牙油炸鬼（churro），睇住阿妹將條油炸鬼慢慢炸熟，攞上嚟，放喺裝滿紅莓糖嘅盆上面碌嚟碌去，之後再淋上朱古力醬，成個過程充滿藝術感。咬一口，紅莓糖同朱古力嘅味道固然突出，但係竟然蓋唔住油炸鬼入面嘅香濃蛋白味，非常好食。結果喺一路咬一路跌糖嘅狼狽情況之下，條油炸鬼
小店主要提供 tapas，主菜同甜品，嗰日我哋先嚟一客雜錦西班牙牛奶波波（croquettes），有菠菜同蘑菇兩種口味，波波外皮熱辣辣脆卜卜，入面就充滿奶香，我較為鍾意味道偏濃嘅蘑菇波波，食落有啲似炸蘑菇湯球，好有趣。
主菜方面，我哋揀咗西班牙黑毛豬雞肉燴飯（半份）同埋西班牙紅花汁蜆肉意粉，兩者嘅汁底類近，都係較稀嘅濃味湯底，配埋其他食材，味道豐富但又唔會太 heavy，就係喪食連汁都飲埋都唔會有好肥膩嘅感覺，超正👍。
食完主菜，店主就開始製作我哋個甜品：特長西班牙油炸鬼（churro），睇住阿妹將條油炸鬼慢慢炸熟，攞上嚟，放喺裝滿紅莓糖嘅盆上面碌嚟碌去，之後再淋上朱古力醬，成個過程充滿藝術感。咬一口，紅莓糖同朱古力嘅味道固然突出，但係竟然蓋唔住油炸鬼入面嘅香濃蛋白味，非常好食。結果喺一路咬一路跌糖嘅狼狽情況之下，條油炸鬼就畀我哋秒殺咗😂。
整體嚟講，呢餐食得我非常滿意。埋完單，阿妹問我哋嘢食啱唔啱口味，仲細心解釋畀我聽西班牙蛋餅同意大利蛋餅嘅分別，搞到我有一刻以為自己身處高級餐廳剛食完 fine dining😆。由於實在有太多嘢未試，疫情緩和後一定會嚟多次幫襯。
張貼
