華星冰室 (E-Max) (已結業)

同老婆兩個人放假嘅時候就諗住去九展嘅歡樂天地玩下，做下大細路。玩完之後就諗住醫下個肚仔，食返個下午茶，原來九展都幾多食市，最後我地就選擇左華星冰室啦！見到個餐牌都係d茶餐廳種類為多，常餐，西多士，豬扒包果d咁啦！咁我地就叫左以下兩樣野啦！常餐，我叫左炒蛋，叉燒意粉同凍齋啡走甜。首先講個炒蛋，炒蛋正常，好滑，火腿同埋多士都係正常啦！到個意炒啦，食落去就淋到好似米線咁，完全無意粉嘅口感，到叉燒啦！師傅嘅刀功一流，叉燒好薄切，食完都唔知食左d咩，完全無叉燒嘅味道，賣相又差，一黎果陣d叉燒竟然係底部，另外都幾唔環保下，堂食都俾外賣杯。跟住就到咖央西多啦！正常發揮，正常就係咁樣，咖央正常甜嘅味道。食完今餐都唔會再黎了。