影片
更多
2023-07-05
235 瀏覽
呢間餐廳喺大埔林村嗰頭，有大量室內位置，行園林庭園風格🌳，平時放假過嚟呢邊行吓都啱晒～佢有三間屋仔，可以容納到4-10人，如果有寵物或者想聚會嘅話，可以事先book定呢啲屋仔，有靚景私隱度又高，平時weekend過嚟度下假都幾好！佢有個午餐，包左一個頭盤同主菜，額外可以用優惠價加購甜品，又或者可以散嗌佢嘅主食，價錢亦唔算太貴～------------------------------🦞◖酥皮龍蝦湯配蒜蓉包◗ $98頭先篤爛佢個酥皮，浸埋啲龍蝦湯，佢嘅湯有有少少龍蝦肉，鮮味都幾足，仲有一片烘得好香脆嘅蒜蓉包～🐖◖脆炸德國咸豬手配蜜糖芥末籽汁（套餐）◗ $268有六至八大嚿德國鹹豬手，醃得啱啱好唔會過鹹，外皮好香脆，食落去好有膠質，特別鍾意佢邊位嘅肉，燒到少少乾脆咁，好食！🍝◖鵝肝醬焗豬扒闊條麵（套餐）◗ $198原本佢係焗豬扒飯，要轉闊條麵要加$20，闊條麵麵質幾好，彈牙有微微嘅蛋香；鵝肝醬裏面有啲芝士同肉碎，頗有口感；焗豬扒都做得好出色，肉味香濃，難得佢肉質軟腍一啲都唔韌，整體嚟講味道同口感都幾好！🥩◖燒安格斯西冷10oz（套餐）◗ $338揀咗五成熟，上枱應該都有七成，肉質軟腍，可
佢有個午餐，包左一個頭盤同主菜，額外可以用優惠價加購甜品，又或者可以散嗌佢嘅主食，價錢亦唔算太貴～
------------------------------
🦞◖酥皮龍蝦湯配蒜蓉包◗ $98
頭先篤爛佢個酥皮，浸埋啲龍蝦湯，佢嘅湯有有少少龍蝦肉，鮮味都幾足，仲有一片烘得好香脆嘅蒜蓉包～
🐖◖脆炸德國咸豬手配蜜糖芥末籽汁（套餐）◗ $268
有六至八大嚿德國鹹豬手，醃得啱啱好唔會過鹹，外皮好香脆，食落去好有膠質，特別鍾意佢邊位嘅肉，燒到少少乾脆咁，好食！
🍝◖鵝肝醬焗豬扒闊條麵（套餐）◗ $198
原本佢係焗豬扒飯，要轉闊條麵要加$20，闊條麵麵質幾好，彈牙有微微嘅蛋香；鵝肝醬裏面有啲芝士同肉碎，頗有口感；焗豬扒都做得好出色，肉味香濃，難得佢肉質軟腍一啲都唔韌，整體嚟講味道同口感都幾好！
🥩◖燒安格斯西冷10oz（套餐）◗ $338
揀咗五成熟，上枱應該都有七成，肉質軟腍，可以點黃芥末或者燒汁，但略嫌牛味唔太夠～
🍰◖焗火焰雪山◗ $128
有大同細可以揀，外層係打起咗嘅蛋白，淋上燒着咗嘅冧酒糖漿，再加上黑朱古力醬，充滿住酒香同蛋白嘅香味；裏面係有啲雜果嘅海綿蛋糕，仲有一球雲呢拿雪糕，食落好鬆軟有層次，味道又唔會太甜！
🥗◖意式雜菜沙律◗ 跟餐
沙律雜菜配上酸酸甜甜嘅沙律醋，好清爽～
🥠◖炸咖哩角◗ 跟餐
有四嚿咖喱角，可以點沙律醬一齊食，好香口～
🍅◖蕃茄雜菜湯◗ 跟餐
用咗大量茄膏去煮，裏面有啲雜菜，酸酸甜甜，好開胃～
🥤◖檸檬可樂◗ 跟餐
🍹◖檸檬蜂蜜◗ 跟餐
☕️◖意大利泡沫咖啡◗ 跟餐
🌟 Encore指數：8.3/10
張貼
