二十道

喜歡食拉麵，也因為被一道藍色小門吸引着，看過門口外的餐單，就進來了。店舖雖然細小，座位應該不多於十個，但我反而鍾愛，就像日本那些正宗拉麵店。先點了燒魷魚一夜干做餐前小食，魷魚燒得juicy又唔韌，配上甜甜嘅燒汁，好鮮味！雪酒煮蜆是廚師推介，漲卜卜嘅蜆肉，浸在帶有微微酒香的濃雞湯，每啖雞湯配上滑捋捋嘅蜆肉，令我不自覺地飲曬成碗湯。由於我係牛魔王，我叫的兩款拉麵都是牛嘅部位。辛辣牛舌拉麵，辛辣醬另上，辣度可因應自己喜好，呢個安排真係好細心。牛舌似慢煮過，質感柔軟冇渣，好味！和牛拉麵，有四塊油花分布均勻嘅和牛，入口嫩滑甘香，牛味香濃。以上兩款拉麵均用上濃雞湯做湯底，食得出用咗唔少時間餚出來。有別於坊間嘅傳統拉麵，二十道拉麵用咗水菜、意大利青瓜、漬紅蘿蔔作為配菜，感覺更清新呢！