影片
更多
2018-05-28
4075 瀏覽
作為持家有道的好姑娘，即使再為食，錢還是要省的。太貴的食材還是捨不得嗌的，幸而，有一個好老細，請食飯餞別一位同事，仲要主動加左隻$13xx的藍龍蝦黎食既然如此，我不客氣了。由於店裡近入口處有個大魚缸，非常搶眼。老細大概感受到我地含情脈脈地望住魚缸，再望住佢，「好似唔夠食喎～」佢話：「要唔要加d料呀？」「唔好意思既，老細你話事丫。」下一秒，「好識do」既老細已經自動自覺行到魚缸旁邊，著店員捉起隻龍蝦黎望下新唔新鮮。講緊既係法國藍波士頓龍蝦，要$13xx一隻。拎上手仲猛咁跳，好新鮮。再下一秒，呢隻咁生猛既大龍蝦已經被斬晒隻放上我地檯面。老細即時感到我地熾熱既愛意嘞。龍蝦好大一盆，店員首先將難熟的龍蝦鉗放入去蒸。蒸到咁上下，再將其餘龍蝦都放進去。第一次見龍蝦在鍋上顫動，其實是肌肉收縮的反應，睇到我內心都好激動。蒸熟之後，我分到龍蝦膏（其實應該係蝦腦黎）龍蝦味非常濃郁！質感好Smooth好綿滑！龍蝦蝦身亦都啖啖肉，每一口都感受到蝦肉在齒間回彈的感覺。亦完全冇需要添加其他調味料，因為它自帶鮮味。講完龍蝦，講返湯底，首先揀湯底是一件非常掙扎的事豬骨粥底好似好正，雞又好似好正，最後在店家推薦之下，叫
太貴的食材還是捨不得嗌的，
幸而，有一個好老細，請食飯餞別一位同事，
仲要主動加左隻$13xx的藍龍蝦黎食
既然如此，我不客氣了。
由於店裡近入口處有個大魚缸，非常搶眼。
老細大概感受到我地含情脈脈地望住魚缸，再望住佢，
「好似唔夠食喎～」佢話：「要唔要加d料呀？」
「唔好意思既，老細你話事丫。」
法國藍波士頓龍蝦
74 瀏覽
0 讚好
0 留言
下一秒，「好識do」既老細已經自動自覺行到魚缸旁邊，
著店員捉起隻龍蝦黎望下新唔新鮮。
講緊既係法國藍波士頓龍蝦，要$13xx一隻。
拎上手仲猛咁跳，好新鮮。
再下一秒，呢隻咁生猛既大龍蝦已經被斬晒隻放上我地檯面。
老細即時感到我地熾熱既愛意嘞。
龍蝦好大一盆，
店員首先將難熟的龍蝦鉗放入去蒸。
蒸到咁上下，再將其餘龍蝦都放進去。
第一次見龍蝦在鍋上顫動，
其實是肌肉收縮的反應，
睇到我內心都好激動。
蒸熟之後，我分到龍蝦膏（其實應該係蝦腦黎）
龍蝦味非常濃郁！
質感好Smooth好綿滑！
龍蝦蝦身亦都啖啖肉，每一口都感受到蝦肉在齒間回彈的感覺。
亦完全冇需要添加其他調味料，因為它自帶鮮味。
講完龍蝦，講返湯底，
首先揀湯底是一件非常掙扎的事
豬骨粥底好似好正，雞又好似好正，
最後在店家推薦之下，叫了
川芎白芷天麻大頭魚氣鍋($298)
聲稱有治頭痛、促進新陳代謝，起美顏之效。
聽到美顏二字，我著咗；聽到治頭痛３字，我同事著咗。
好！想好了！
的確，川芎等藥材味徐徐散出，非常香。
配合海鮮的精華，既鮮又富有層次，好正。
大頭魚最正的地方絕對是魚雲
魚雲是魚腦的軟組織，好滑好有骨膠原。
我覺得唔腥。
而且大頭魚可以兩食，
魚肉肥美嫩滑。
時令海鮮拼盤($498/4人份)
日本大元貝、大連鮮鮑、海蝦、肉蟹、珍珠貝等。
鮑魚配上陳皮，大元貝配上蒜蓉
都好新鮮，尤其是大元貝，非常大隻厚實，
橙色的是乸，仍然有人問橙色的部分食唔食得
生殖線，食得，但有些少風險（食安中心就要人唔好食）
海蝦是中蝦，由蝦殼不癡肉、蝦肉新鮮，
質素頗佳但未算最好。
珍珠貝則非常鮮嫩多汁。吮著帶有獨特咸香。
特大聖子皇($68隻)
呢個最好訂位時預留，新鮮彈牙。
你食落feel到佢彈性好勁，肉汁亦豐。
總結
其實呢間野價錢都幾公道，
用料係值回票價。
加上全程服務非常好，
每一味海鮮店員都講得出係乜貝乜貝，
要點食法最好食，
全程幫你set timer server你。
疑似冇限時(食咗勁耐冇被趕走)
營業至凌晨
好推介!
ps, 老細，如果你睇到呢篇，冇錯，呢個ac係我黎，多謝你隻龍蝦。
張貼
