影片
更多
2018-05-10
3004 瀏覽
同一班相識多年既朋友係灣仔食完飯，難得齊人，大家都傾到唔捨得走，所以就搵下場，有人想試呢間藝術甜品店，但據聞勁難book，膽粗粗打去睇下Walk in有無，佢問我地20分鐘內可唔可以到達，無問題，即刻衝過去！因為係last table，所以唔會有bar檯坐，唔會有人係你面前畫畫，係差甘d既，一坐低就有幾杯⋯⋯呀！唔係，係幾支refresh drink，係用test tube裝住士多啤梨汁，真係夠你漱口架咋，一啖飲完，不過就覺得太少，唔夠refresh。呢到有min charge，每人最少要叫一款甜品，包熱茶，因為坐檯，只有7款甜品比我地揀，亦因爲我地有6個人，只揀剩南瓜香蕉。其實上到檯，真係唔係好知邊個打邊個，同埋個個既賣相⋯⋯我只可以話「藝術既野，真係識條鐵」，可能坐bar檯，佢即席係你面前畫會驚喜好多（因為不斷聽到bar檯的女仔E嘩鬼叫），原本諗住咖啡應該最好味，因為夠味濃，不過有點失望，可能咖啡味「雪糕」變成分子化後，太凍，凍到咖啡味變得好淡，反而清清地既雪梨，同埋最保持到原味的蕃薯味最好，雪梨味帶少少酸咪咪，夠醒神，蕃薯就似食到真既蕃薯味，唔似其他分子化後，只食到好凍既味道。跟
因為係last table，所以唔會有bar檯坐，唔會有人係你面前畫畫，係差甘d既，一坐低就有幾杯⋯⋯呀！唔係，係幾支refresh drink，係用test tube裝住士多啤梨汁，真係夠你漱口架咋，一啖飲完，不過就覺得太少，唔夠refresh。
呢到有min charge，每人最少要叫一款甜品，包熱茶，因為坐檯，只有7款甜品比我地揀，亦因爲我地有6個人，只揀剩南瓜香蕉。
其實上到檯，真係唔係好知邊個打邊個，同埋個個既賣相⋯⋯我只可以話「藝術既野，真係識條鐵」，可能坐bar檯，佢即席係你面前畫會驚喜好多（因為不斷聽到bar檯的女仔E嘩鬼叫），原本諗住咖啡應該最好味，因為夠味濃，不過有點失望，可能咖啡味「雪糕」變成分子化後，太凍，凍到咖啡味變得好淡，反而清清地既雪梨，同埋最保持到原味的蕃薯味最好，雪梨味帶少少酸咪咪，夠醒神，蕃薯就似食到真既蕃薯味，唔似其他分子化後，只食到好凍既味道。
跟餐既茶都係普通茶包，無乜特別，你問我會唔會再花$200去食個甜品，太貴吧，如果有人請我坐bar檯睇即席揮毫都或者會諗下😅
張貼
