影片
更多
2020-10-13
1513 瀏覽
今次黎到呢間位於鯉景灣嘅黃店，見menu都有幾多奇怪菜式，其中最罕見嘅係雞肉刺身，咁我當然要試試啦！-上年去柏林旅行時去街市食過Mett，即係食 剁 生 豬 肉 +洋蔥鋪上麵包，但又離奇地幾好食喎，佢腍過牛肉他他，其實有少少似日式吞拿魚丼上面嘅免治吞拿魚刺身。-食後感：雞肉刺身好鹹😫 係煙燻三文魚鹹度嘅10倍。建議一定要拌埋底下嘅生洋蔥食，唔係為左辟雞肉嘅腥味(因為其實唔腥定羶)，純粹係想搵另一樣有強烈味道嘅嘢去平衡返煙燻雞肉嘅鹹味。質感方面，雞肉刺身係滑嘅，似無筋嘅煙燻三文魚咁啦！總括而言，以$100都唔洗嘅價錢，可以獵奇試下雞肉刺身，係絕對值得嘅！-本鮪壽司盛壽司最鍾意都係食拖羅! 因為拖羅嘅魚油夾埋粒粒飽滿嘅珍珠米，真係好好味😭 赤身、中拖、大拖都係完全無筋，中拖、大拖入口即融，不得了🥰-雞 泡 魚 的 睪 丸 —— 河豚白子壽司-還記得小時候第一次去日本旅行時，阿爸話想食雞泡魚，但我細膽驚廚師處理得唔好會毒死，所以唔肯同佢食。宜家諗返都好後悔，人一世物一世點都要試下的!-今次有少少可惜嘅係，本身呢間餐廳有河豚刺身嘅，但嗰日咁啱餐廳無，所以我地就退而求其次試河豚白子 (河豚嘅睪丸
-
上年去柏林旅行時去街市食過Mett，即係食 剁 生 豬 肉 +洋蔥鋪上麵包，但又離奇地幾好食喎，佢腍過牛肉他他，其實有少少似日式吞拿魚丼上面嘅免治吞拿魚刺身。
-
食後感：雞肉刺身好鹹😫 係煙燻三文魚鹹度嘅10倍。建議一定要拌埋底下嘅生洋蔥食，唔係為左辟雞肉嘅腥味(因為其實唔腥定羶)，純粹係想搵另一樣有強烈味道嘅嘢去平衡返煙燻雞肉嘅鹹味。質感方面，雞肉刺身係滑嘅，似無筋嘅煙燻三文魚咁啦！
總括而言，以$100都唔洗嘅價錢，可以獵奇試下雞肉刺身，係絕對值得嘅！
雞肉刺身沙律
33 瀏覽
0 讚好
0 留言
-
本鮪壽司盛
壽司最鍾意都係食拖羅! 因為拖羅嘅魚油夾埋粒粒飽滿嘅珍珠米，真係好好味😭 赤身、中拖、大拖都係完全無筋，中拖、大拖入口即融，不得了🥰
本鮪壽司盛
51 瀏覽
0 讚好
0 留言
-
雞 泡 魚 的 睪 丸 —— 河豚白子壽司
-
還記得小時候第一次去日本旅行時，阿爸話想食雞泡魚，但我細膽驚廚師處理得唔好會毒死，所以唔肯同佢食。宜家諗返都好後悔，人一世物一世點都要試下的!
-
今次有少少可惜嘅係，本身呢間餐廳有河豚刺身嘅，但嗰日咁啱餐廳無，所以我地就退而求其次試河豚白子 (河豚嘅睪丸) 啦！聽落覺得怪怪地，「白子」喺日文解「白色的孩子」，原來河豚白子係其身體內毒素含量最低嘅器官，而卵巢則是最毒嘅器官，雌雄走兩個極端。
-
食後感：離奇地好好味喎！佢入口好細緻綿密，唔會食到一粒粒好似卵子咁；味道方面就有少少似海膽，不過係無咁甜，而係比較苦、回甘，同埋口感都無咁腍啤啤，而係結實少少嘅。同上面嘅蟹子同蔥粒配合得幾好！
-
結論：河豚白子好矜貴，事關條魚要養到三歲先會發育有精囊，仲要一條魚只有好細嘅精囊。所以以$38一件軍艦壽司可以試到河豚白子，係非常值得嘅！
河豚白子壽司
89 瀏覽
0 讚好
0 留言
-
活赤貝
本身點餐時見餐牌上個名叫「活赤貝」，就以為係咪好似韓國活章魚咁，擺入口都仲係郁下郁下咁，原來佢上碟時已經唔再係生勾勾咁。但好彩嘅係都真係 非 常 新 鮮，味道鮮甜，質感方面就係表皮好滑劣劣，咬落好彈牙脆口，應該係我食過最脆口嘅赤貝！
活赤貝
42 瀏覽
0 讚好
0 留言
-
總括呢間黃店，價錢係偏貴嘅，如果你想食平啲可以食佢嘅晚市定食套餐或刺身丼，但個人認為呢間餐廳嘅特色係個餐牌有林林總總較為稀有嘅菜式，包括之前介紹過嘅雞肉刺身、河豚白子，所以無謂食啲普通店鋪都食到嘅海鮮，不妨可以以a la carte嘅形式叫一啲覺得得意嘅嘢食！
-
當日我地黎食嗰晚咁啱係黑色暴雨，約好左朋友就費事甩底啦。但一路沿海邊行，傾盤大雨加雷電交加，我一度諗死啦會唔會為左食餐飯俾雷劈死。點知入到餐廳好驚訝發現，間餐廳係全full嘅。即使係橫風橫雨，而餐廳本身又唔係喺商場入面，而係一出門就會照頭淋雨，都可以客似雲來，大家可想而知東區居民幾鍾意呢間日本餐廳啦！
張貼
