鮨玥 (已結業)

好耐冇去西灣河食飯，今次想食啲特別野唔想再食泰國嘢，知道蘇豪東附近有一間食日本嘢都幾多人食，於是去試吓，入到去座位都幾大，之後我哋開始點餐，頭盤我哋嗌咗壽司盛，有中拖羅，大拖羅，肉質都好肥美，有入口即溶嘅感覺，而且每一舊嘅份量都好多，之後我哋點左安格斯牛肉飯，牛肉燒得好香口而且配埋珍珠米簡直係冇得彈加埋啲燒汁簡直係錦上添花，之後我哋嗌左兩隻岸口蠔，呢個海水味幾重而且是落去好爽口，之後我朋友嗌左個鰻魚汁飯，鰻魚燒汁好香口加埋燒汁簡直係另一種層次，除此之外我哋嗌左個三文魚腩，呢個燒得好脆口連啲皮都可以食不過就有少少多油，仲有鹽燒油金魚都係好野味，個皮炸得好趣口，而且呢度嘅服務質素都好好店員都好有禮貌，希望可以下次試吓其他款式嘅壽司。