摩登堂 (荃灣廣場) (已結業)

朋友一直話好想試位於荃灣嘅摩登堂，因為覺得佢啲食物好吸引同埋甜品都好適合打卡，整得好靚。由於佢好中意食粗河粉，所以就叫左和牛泰式炒河，唔知點解食落去酸酸地咁，佢話出面食果啲好食好多，呢間既味怪怪地。仲叫左打拋豬肉生菜包，不過不失無咩特別之處，炒通菜係全晚最好食既一道菜，叫做唔會太碎濕濕，味道正常發揮。至於飲品方面我都係叫咗佢哋好出名嘅芒果沙冰，但係飲落就完全冇芒果味，勁稀咁，唔知係咪因為我叫咗少甜，所以先係咁，但正常應該都唔會，所以整體嚟講都係唔建議食呢間。