木玥巷

營業中

休息中

虹橋呢邊米線非常之多，但台灣菜呢間真係數一數二好食，而家店員又有禮貌，感受一下台灣風。好，坐低睇下有咩好食先。櫻花蝦鰻魚炒飯，係呢度既推介，粒粒珍珠米炒到乾身粒粒分明，裏面混合咗鰻魚粒，食落有口感，上面櫻花蝦乾咸香又脆口。胡麻辣雞絲拌麵，海量青瓜絲和雞絲，胡麻醬好充足，上面仲有芝麻，令成個麵更香口。鹽酥雞，炸到好脆脆，唔會成口油，裡面雞粒又唔乾，啱啱好！黃金脆皮奶卷，呢個大大力推，真係好接近同我係台灣食既，個炸皮係酥脆架，一咬落去裡面軟綿綿既鮮奶就爆岀來，超級好食！黑糖珍珠拿鐵，平時珍奶飲得多，今次呢個做成latte，仲有柔滑奶泡，好特別。