影片
更多
2013-11-27
730 瀏覽
3月3日, 趁住仲凍凍地, 就去食下好耐都冇食過嘅蛇羹, 喺中環要數最出名嘅, 一定係蛇王芬~ 由老字號變成而家旅客必到之地, 我地都竟然冇食過, 今之終於可以一嚐~::: 蛇羹 ::: $85雖然$85一碗係貴咗d, 直頭可以話係遊客價, 但係去得蛇王芬又點可以唔食呢? 上枱嘅蛇羹係普通飯碗咁大~ 料都算多, 啖啖都可以食到蛇肉, 加上個羹湯底味都甜甜地, 確實係有水準~ 有甘而不腥嘅味道, 只係有少少蛇嘅羶味, 如果怕嘅就可以加d胡椒粉去遮住d味~ 加上面頭仲有d薄脆, 可以增添脆口感~ 雖然係細碗咗d, 有d唔夠喉咁, 就當係少食多滋味~::: 蜜瓜瑤柱燉螺頭湯 ::: $73每盅湯都係原盅燉, d料多到上盅頂, 用料優質, 又點會唔好味? 感覺就似將所有湯料嘅精華溶晒落湯入面, 湯頭清徹得沒有半點油光, 鮮甜中帶瑤柱螺頭濃香, 加上蜜瓜更添滋潤! 起初都覺得七十幾蚊一個湯貴得離譜, 但飲過至知, 食材用料加上燉湯心機, 絕對值得~::: 鴛鴦腸飯 ::: $50叫多個鴛鴦腸飯, 個飯冇汁好dry, 只係靠腊腸潤腸嗰d油去濕潤個飯, 之但係呢2條腸油份都唔多... 所以好睇嗰d腸
::: 蛇羹 ::: $85
雖然$85一碗係貴咗d, 直頭可以話係遊客價, 但係去得蛇王芬又點可以唔食呢? 上枱嘅蛇羹係普通飯碗咁大~ 料都算多, 啖啖都可以食到蛇肉, 加上個羹湯底味都甜甜地, 確實係有水準~ 有甘而不腥嘅味道, 只係有少少蛇嘅羶味, 如果怕嘅就可以加d胡椒粉去遮住d味~ 加上面頭仲有d薄脆, 可以增添脆口感~ 雖然係細碗咗d, 有d唔夠喉咁, 就當係少食多滋味~
::: 蜜瓜瑤柱燉螺頭湯 ::: $73
每盅湯都係原盅燉, d料多到上盅頂, 用料優質, 又點會唔好味? 感覺就似將所有湯料嘅精華溶晒落湯入面, 湯頭清徹得沒有半點油光, 鮮甜中帶瑤柱螺頭濃香, 加上蜜瓜更添滋潤! 起初都覺得七十幾蚊一個湯貴得離譜, 但飲過至知, 食材用料加上燉湯心機, 絕對值得~
::: 鴛鴦腸飯 ::: $50
叫多個鴛鴦腸飯, 個飯冇汁好dry, 只係靠腊腸潤腸嗰d油去濕潤個飯, 之但係呢2條腸油份都唔多... 所以好睇嗰d腸嘅質素, 好彩腊腸潤腸都非常香, 腸衣薄脆得一咬即破, 腊味豐富, 亦唔會好油膩, 個人覺得潤腸比較好味, 配啖白飯都唔錯~
不愧為老字號, 燉湯同蛇羹以至腊味都非常有水準, 唔怪之得可以貴為遊客必到之處~ 亦可能係呢d老字號嘅關係, 侍應嘅服務都維持喺舊時嘅階段, 十問九唔應, 落單叫幾次先叫到人, 其餘時間可以話係冇服務, 如同自助一般... 雖然係咁, 下次仲有機會, 我都會想試下個煲仔飯~
張貼
