Caffe Milani (荃新天地) (已結業)

今晚同朋友一齊食我既生日晚飯。我地叫左兩個Combo set，包餐湯或沙律，揀一款意粉或All Day Breakfast，加$25有是日精選蛋糕或米蘭咖啡。餐湯揀左番茄忌廉湯，酸酸may may甘，好開胃。沙律可以揀兩款，揀左羽衣甘藍牛油果沙律同希臘沙律，幾新鮮。松露醬意大利雲吞軟硬適中，意大利雲吞包住芝士，調味出色，係我食過最好食既意大利雲吞。蟹肉扁意粉熱辣辣，意粉爽滑，蟹肉都幾多。甜品控既我地叫左六款蛋糕甘多，呢到絕對係蛋糕天堂。開心果櫻桃蛋糕、米蘭芝士蛋糕、蛋白檸檬撻、意式薩赫蛋糕、意式蘋果批、金合歡。我同朋友都最鍾意金合歡，軟綿綿既蛋糕又唔會過甜。其次係意式薩赫蛋糕，濃濃朱古力味又有層次，不過甜度降低會更好。Gelato揀左三種口味: 牛奶、吉士、野莓。牛奶味似白兔糖，吉士似淡味版奶皇，而野莓就酸酸地甘。意式杏醬牛角包有驚喜，牛角包好鬆化，好香口又軟熟，而且唔係空心個種牛角包。另外叫左壺洋甘菊茶。