龍門冰室 (已結業)

今日同個朋友去咗銅鑼灣食飯，因為燈籠街係食街嚟嘅，噉就行去登龍街睇下有咩好食，跟住見到有間龍門冰室，睇下個餐牌d野都幾抵食，於是就入去食下啦。蜜糖雞翼，六隻大大隻，每一隻雞翼表面都有充滿蜜糖味啊，噉嗰啲皮就係香脆嘅，但係裏邊啲肉就係嫩滑嘅。呢款蜜糖雞翼我覺得係必食推介啊，價錢45元椰汁紅豆冰~加咗啲椰汁落去，噉變咗杯紅豆冰有椰汁香味，啲紅豆煮得好腍，幾有紅豆香味。由於我哋下午嚟啊，人唔算多，所以我哋有得坐卡位。