博多拉麵別天神 (已結業)

呢晚發生左件好電視劇橋段既一幕，就係係我完左活動準備等巴士返歸既時候，係巴士站見到昔日中學時期既師姐！！！我地仲傾到有車黎都視而不見，最後我地仲決定唔返歸，一齊搵個地方食dinner，繼續傾xppp我地去左車站附近既一間拉麵小店，格局裝修日系，雖然地方唔算大，但都唔會好逼夾~~全店只有兩款拉麵（蝦味噌/豚骨）同兩款小食（小龍蝦蟹籽沙律/餃子），可以單點拉麵或者套餐（配小食），我地都揀左配套餐，可以share兩款小食一齊食！！個晚我要左蝦味噌個款，拉麵鋪上櫻花蝦，係濃郁既湯底上增添蝦鮮之味 ：）麵身為直麵，份量不少亦為掛湯~~配上豚肉叉燒同糖心蛋，總係覺得食拉麵就一定要配流心蛋，如果唔係就硬係覺得爭d爭d咁xppp而呢到既蛋都處理得唔錯，既是流心而味道得宜~~師姐就要左豚骨湯個款，麵條相同，亦係配上豚肉叉燒同糖心蛋，佢話整體味道都幾好 ：）小食方面，日式煎餃子就一客四隻，煎得都尚算香脆，味道不過不失~~而小龍蝦蟹籽沙律就幾有驚喜！！沙律以球體呈上，再由自己包上紫菜同吃~當中既小龍蝦肉爽彈，加上有脆卜卜既蟹籽，口感豐富味道又match，下次如果黎都會encore ;)呢晚同師姐傾左好耐，講