麥當勞 (已結業)

電影<破壞之王>中，阿水(星爺飾)係茶餐廳侍仔，其老闆(黃一飛飾)一直以全城最好菠蘿包 / 西多士自居，經典對白<我地 d 菠蘿包入面真係有菠蘿、d 西多士真係...>，勢估唔到，現實中麥記最新推出既滋味蝦堡賣點竟然同出一撇，<和風滋味蝦堡入面真係有蝦>!話說回頭，和風滋味蝦堡的意念是源自三年前麥記的韓風蝦堡，今次特別的是除了蝦餅內有數隻完整的蝦外，更用上麥記於眾多漢堡中較少用的千島醬，推廣期有限，星期五決定推掉了龍門酒樓午飯局，一心試試這蝦堡，免得要過兩三年後才發"過氣"食評...對金鐘麥記的水準，心中有數，人多食物出品當然較簡單，生菜唔新鮮、包細，千島醬少一早已在預算之中，成敗集中在蝦餅上，味道方面其實並不特別，炸物沒有蝦味實屬正常，幸仍然脆口，當見到內裡那幾隻"鮮"蝦後，更感到一點莫名的興奮，這次真的是誠意搭夠，不枉我決心一試!食完之後略感滿足，大大提升我對蝦堡的興趣，一定會再試... 不過對象可能係 MOS 的了