麥當勞

營業中

休息中

因為睇到廣告話今期有櫻花蝦味調味粉同埋白桃特飮,所以中午外賣咗個"大大啖菠蘿蝦堡套餐"翻屋企食,主角菠蘿蝦堡個包砌得企企理理,非常美觀,塊炸蝦餅外面脆裡面彈牙,不過就好清淡冇乜味,反而配角炸薯條落咗櫻花蝦調味粉之後幾惹味!口味有啲似雲吞麵檔啲蝦籽粉,一試之下,瞬即成為我咁耐以嚟最鍾意嘅薯條調味粉!以前最愛嘅紫菜調味粉都要屈居做阿二;我建議大家如果想個蝦堡好味啲,可以落少少櫻花蝦調味粉响塊蝦餅喥,個包當堂惹味咗!另一配角"白桃特飲"啲顏色同個餐嘅櫻花主題襯到絶一絶!淡淡嘅粉紅色望落已經十分舒服,飮落係好對辦嘅桃味汽水,大大杯十分滿足!所以話今次麥記套餐啲配角搶盡晒主角嘅風頭,妹仔大個主人婆。