喇沙專門店 (已結業)

我係好鐘意食喇沙既人，食過無數次，依然都係覺得新加坡既係最好食，係香港食左幾年喇沙都搵唔返個味，已死心。之前成日見有廣告話呢間好食，終於有時間試。大蝦喇沙 $45用膠兜裝既感覺麻麻地，首先食蝦先，蝦真係唔好食，有種想變壞既質感同味道，勝在湯底好味，當然無新加坡既好味，但係香港地黎講都算係甘，都飲左唔少湯。配料既魚片彈牙好食，豆卜入味都唔錯，但我唔鐘意麵底用上海麵，如果可以轉米線或有得簡其他粉麵會更好，為湯底值得再試，但一諗起個麵底就想卻步。