金鶴拉麵 (荷李活道) (已結業)

去完大館就嚟天黑，嗱嗱聲食個早晚飯就返屋企，原間餐廳又有拉麵又有鰻魚飯串燒等，選擇都幾多，所以一於一試。我哋點左2碗拉麵，見到Menu入邊有蟹肉湯拉麵，覺得幾特別好想一試，見到蟹肉好多，可以講係一堆蟹肉，好精彩，湯底好清甜，麵條口感軟硬度適中，最鍾意佢隻糖心蛋，份量超多，食完勁飽。店員話呢度出名雞湯拉麵，極濃雞湯就重口味啲，所以我哋嗌咗普通雞湯拉麵，雞湯唔油膩，我好鍾意佢塊雞肉，原來係慢煮雞肉，唔怪得知咁滑，配埋木耳絲一齊食，真係幾好味喎。呢度原來有埋串燒可以食，我哋想試吓，所以叫咗一款燒明太子雞翼，雞翼去骨，而且明太子辣辣地，外皮燒到有少少脆口，幾好味，走的時候先見到有龍蝦拉麵，下次有機會要試埋先。