Diff. Cafe (已結業)

落到荃灣，都係想食翻啲好食嘅西餐，所以都係食翻平時食開嘅餐廳，繼續去食diff cafe。正常lunch set都係包咗個湯，都係好好飲嘅濃湯，有厚度！呢個係茄汁大蝦意粉（個名詳細係乜我唔記得咗了😂😂）。呢碟嘅蝦就真係重點！夠大隻，仲要係爽口、彈牙！而且好有蝦嘅鮮味！應該係啲新鮮，唔係啲雪到死嘅蝦嚟。意粉嘅汁味道恰到好處，唔好好濃味，同意粉一齊食味道啱啱好，而且每條意粉都掛滿汁，正！叫多個伯爵茶芝士蛋糕，蛋糕唔算好甜，伯爵茶味濃，食落唔算heavy！好食！