影片
更多
2006-02-09
181 瀏覽
25-1-2006 1930自己都係有生以來第1次來呢度食，真係大鄉里出城。約左食友一齊去鯉魚門食海鮮，當然要有熟人帶路點樣選擇海鮮，我地經過一輪開價及修改後，便將其材料送到這裡加工，變成佳餚。第1道上的是蒜茸粉絲蒸扇貝，味道係幾野味，自己則應為還有改善空間：蒜蓉份量減少三分一，蒸出來的汁落少少鹽，然後與粉絲混合一齊；避風塘炒瀨尿蝦不會因蒜及辣度而蓋\過新鮮，野味程度只是點到即止；白灼菜心大棵得來，沒有渣，加埋豉油及熟油就得，其實係靚貨的話，只須在水中落少少油及鹽已經搞貼，當然出面好少會咁做；清蒸鮑魚剛剛好一人一隻，幾鮮甜，排番好睇少少就更理想；白灼鮮魷係咁多菜式之中最清淡，極其量只係落少少鹽，但係所伴的蝦膏就不太好，一來對來講自己比較喜歡蝦醬，二來落左糖，會稍為破壞原味。蟹就分開左避風塘及薑葱，有食友唔食得辣，味道都幾鮮甜，食其鮮味先至係食蟹的最終境界，而不只是有沒有膏；芝士焗龍蝦，龍蝦稍為細隻左，但勝在用卡夫車打芝士，會比一般的更濃，有伊麵係底，係要有多少少汁去送麵，可惜不多；全晚最出色的都係大蝦兩味，蝦頭就用避風塘，身就以乾煎加豉油，好少蝦頭仍然好肉，亦好少可以成隻頭食到連渣都冇
自己都係有生以來第1次來呢度食，真係大鄉里出城。
約左食友一齊去鯉魚門食海鮮，當然要有熟人帶路點樣選擇海鮮，我地經過一輪開價及修改後，便將其材料送到這裡加工，變成佳餚。
第1道上的是蒜茸粉絲蒸扇貝，味道係幾野味，自己則應為還有改善空間：蒜蓉份量減少三分一，蒸出來的汁落少少鹽，然後與粉絲混合一齊；避風塘炒瀨尿蝦不會因蒜及辣度而蓋\過新鮮，野味程度只是點到即止；白灼菜心大棵得來，沒有渣，加埋豉油及熟油就得，其實係靚貨的話，只須在水中落少少油及鹽已經搞貼，當然出面好少會咁做；清蒸鮑魚剛剛好一人一隻，幾鮮甜，排番好睇少少就更理想；白灼鮮魷係咁多菜式之中最清淡，極其量只係落少少鹽，但係所伴的蝦膏就不太好，一來對來講自己比較喜歡蝦醬，二來落左糖，會稍為破壞原味。
蟹就分開左避風塘及薑葱，有食友唔食得辣，味道都幾鮮甜，食其鮮味先至係食蟹的最終境界，而不只是有沒有膏；芝士焗龍蝦，龍蝦稍為細隻左，但勝在用卡夫車打芝士，會比一般的更濃，有伊麵係底，係要有多少少汁去送麵，可惜不多；全晚最出色的都係大蝦兩味，蝦頭就用避風塘，身就以乾煎加豉油，好少蝦頭仍然好肉，亦好少可以成隻頭食到連渣都冇，蝦身總體煎得出色，仍有少少肉汁，新鮮即製亦係實肉，殼亦都煎得透徹，雖則唔係當造，俾多近百蚊仍然值得。
隨後與我同姓的老闆送了生果盤、甜品蛋散，可惜糖水因事前有人訂左，唯有下次再來，320蚊的價錢，稍為貴左少少，但未去到不能接受，飲飽食醉，走既時候已經係11時多。多謝一齊來食及關心我的食友、多謝攪手沙利王、多謝由屋企去碼頭的紅白酒，該枝紅酒真係易入口兼好飲、多謝整牙地方叫我去、最後要衷心多謝小葵及大田送我「一程」，否則返唔到「娘家」。
張貼
