莆田 (美麗華廣場2期) (已結業)

近排喺地鐵站都見到莆田做緊蟶子宴，想同朋友食中菜，就決定去食個晚飯😆莆田荔枝肉— 其實姐係咕嚕肉，酸酸甜甜，仲有啲荔枝肉，夠哂豐富💫莆田扁肉湯—有啲紫菜同埋類似雲吞嘅扁肉，加左蔥花，令整碗湯增添香氣紅菇鮮蟶湯—唔好睇紅色好似好恐怖咁，其實係因為浸紅菇嘅顏色嚟，仲好有益。蟶子係真係新鮮，無沙之餘仲幾彈牙。薑蔥炒蟶子— 做緊蟶子宴當然要嗌多幾碟😋薑蔥爆香哂，好夠鑊氣，蟶子一樣彈牙，不錯。興化米粉—最後再嗌左碟米粉，份量好多，材料有紫菜、蝦、花生，同埋少少菜等等。蝦唔係雪藏貨，好新鮮。而且整碟米粉唔算好油，幾好食。整頓晚飯嘅材料、份量同味道等都唔錯，下次想食中菜同海鮮都會再嚟食啊🤣