莆田 (美麗華廣場2期) (已結業)

莆田一直以佢嘅蟶子而出名，今日終於預約到尖沙咀呢間莆田一試喇😍果然名不虛傳，非常值得嚟食！大部人都會叫呢個最扺食嘅套餐，$198就試到2款唔同煮法嘅蟶子，總共有8種食法咁多，我哋就揀咗好多人推介嘅鐵板鹽焗蟶子、蒜蓉蒸蟶子。蟶子好大隻、數量又多，好扺吃！呢兩款都好好味，食到蟶子嘅鮮味。另外嘅菜色都唔失色，好高水準，特別係興化炒米粉，好足料，亦好惹味。扁肉湯好多細細嘅肉係入面，又幾好味👍🏼荔枝肉好有獲氣，亦夠晒多，加埋荔枝就啱晒呢排嘅天氣！冰浸苦瓜連我呢個唔鍾意食苦瓜嘅都覺得值得一試，師傅刀功超好，每片都好薄，加上蜜糖真係幾好！