莆田 (港威商場)

營業中

休息中

餐廳主打中菜八大菜系嘅閩菜，最近做緊蟶子節，提供多達8種食法，包括鐵板鹽焗、蒜蓉蒸、薑蔥/蛋炒、湯頭、椒鹽同酒。尖沙嘴分店環境優雅，空間感十足，令人感覺舒適。蟶溜湯採用當地特色農家做法，保留蟶子鮮甜味道，加入蕃茄、椰菜花等蔬菜後令到整體味道昇華。湯底微微酸甜，飲落開胃。個人喜歡蟶炒金黃蛋，蛋外層微焦，內裏滑溜，蛋香氣十足，仲有蘑菇、洋蔥、蔥等，可幫助增添口感。邪惡之選有椒鹽豬手，兩件上，標榜以8小時複雜烹調工序製作而成，外皮超脆，椒鹽又香且唔會過鹹，裡面有滿滿嘅膠原蛋白，好正。荔枝肉都值得一試，傳統料理，酸甜美味，老少咸宜。芋泥香酥鴨出面比較少見，酥炸芋泥夾住厚切嘅滷鴨肉，咬落又酥又糯，口感十分特別。地道燜豆腐份量十足，適合多人分享，呢款加入海鮮、雞蛋、粉絲等配料燜製而成，味道偏清淡，建議可以配住湯或辣椒攪拌後享用。