莆田 (形點 I)

營業中

休息中

復活節假期前夕周圍晚飯都多人，咁岩經過莆田見到做緊蟶霸promo，$198任選2款，雖然入面都坐滿人，但好彩唔洗等位直入，之前都有黎莆田食過都覺得唔錯，果然不愧為米芝蓮一星餐廳。蒜蓉蒸蟶子果然真係進店必點，見到隔離附近都有叫。蒜蓉鋪滿係蟶子上面，一定要將蒜蓉夾埋蟶子一齊食，真係食唔停口。紅菇鮮蟶湯紅菇煮出黎的湯真係紅色，非常清甜，蟶子非常新鮮。冰浸苦瓜苦瓜用冰浸住，排列成花形，好有心思，苦瓜非常爽脆，點蜜糖食，好清新。莆田燜豆腐望落似蒸蛋，食落有濃濃的黃豆味，好似飲緊豆漿咁。漁民紫菜燜飯呢個飯普通得黎又幾特別，用紫菜燜飯，紫菜同飯會痴埋一齊，食落好香。