利寶閣 (已結業)

屋企人食飯圍埋一齊，多數揀中菜。家陣係食蟹嘅好時候，就試下呢一間。先嚟少少嘅‘小食’先。片皮鴨呢個要出去排隊攞嘅，由於唔係重點，食一小碟先。椒鹽蝦、黃金蝦、燒味、芝士百花球、迷你軟殼蟹蓋樣樣都試下，但又提下自己，留肚呀！花膠響螺雞湯每一碗都足料就知個湯好入味。蟹、蟹同埋都係蟹全晚最興奮嘅時刻。分別有三種煮法：清蒸、雞油花雕蒸、油鹽焗。有幾隻係勁多膏呀！鍾意食蟹嘅，嚟呢度一定滿載而歸。飽飽之後，仲有熱熱薑茶，正呀！