劉興記生煎包專門店

營業中

休息中

有次經過劉興記舖頭門口 見到痴咗發哥都有食過嘅相 就一直心心念念想試吓呢一間嘢👀嗌咗蟹黃生煎包👅外賣自取返到屋企都需要一段時間 但係返到去都仲暖暖地 生煎包外皮夠脆 未去到話爆曬汁 但係味道好唔錯 蟹味夠濃郁 食咗一啖就見到啲蟹有滲出嚟 好邪惡🤣！！！另外嗌咗蟹黃拌麵👅呢個認真足料！叫外賣佢係分開一盒裝蟹肉蟹黃汁 一盒裝麵條將啲蟹黃倒落去個麵嘅時候係非常之多同澎湃😻！！！撈完麵之後基本上每一啖都食到蟹膏蟹肉個麵就比較偏腍身不過因為蟹油都比較多 我食咗一半左右就覺得好漏啦 建議大家如果嗌呢一個麵嘅話可以兩個人分嚟食再嗌多啲其他唔同嘅餸菜～但整體嚟講係值得推薦嘅！下次我會試吓坐低堂食～